भाग्यमानिको अनौठो व्याङ्क खाता (Bank-account of a Lucky Man):
Time is money. – Benjamin Franklin /
समय नै धन हो -ब्यन्जामिन् फ्रयाङ्कलिन
एक मानिस आफ्नो जीवनको पहिलो व्यक्ति ब्याङ्क खाता खोल्न ब्याङ्कमा प्रवेश गर्दै थियो । उसलाई देख्ने वित्तीकै ब्याङ्कको गार्डले 'अहो हजुर आउनु भयो भनेर' भनेर सम्बोधन गरेको देखेर उसले अचम्म मान्यो र मन मनै ठान्यो मैले त यसलाई कहिल्यै देखेको थिइन मलाइ कसरी चिन्यो ।
फेरि भित्र पस्ने बित्तिकै ब्याङ्कको कर्मचारीले उसलाई आफू तर्फ बोलाउँदै भन्यो- यता आउनुहोस् यता मैले तपाइलाई नै कुरेर बसेको ।
उ केही नबुझे पनि उक्त कर्मचारी तर्फ लम्कयो र उसको डेस्कको अगाडी को कूर्चीमा बस्यो । केही बोल्नु नपाउँदै त्यस ब्याङ्कको कर्मचारीले उसलाई भन्यो, तपाइ भाग्यमानी जीवन खाताको विजयता हुनुहुन्छ ।
यस ठाउँमा सहि गर्नुहोस् अनि त्यस खातालाई तपाइले बाँचुन्जेल उपभोग गर्नुहोस् ।
उक्त कर्मचारीले उसलाई भाग्यमानी जीवन खाताको बारेमा सुनाउँदै गयो ।
यो खाता तपाइको लागि सत प्रतिशत निःशुल्क हो । यस खातामा तपाइको लागि हरेक दिन 86 हजार 4सय जम्मा हुन्छ । र त्यसलाई तपाइले जे जसरी पनि उपयोग गर्न सक्नुहुन्छ । यसको लागि तपाइले केही तिर्नु पर्दैन ।
तर हरेक दिन तपाइले खर्च गर्न नसक्नू भएको भोलि पल्टलाई बाँकी रहँदैन तर क्यान्सल हुन्छ । हरेक दिन खर्च गर्न अर्को 86 हजार 4सय जम्मा हुन्छ र सो त्यसै दिनको लागि मात्र हुन्छ
तर तपाइले 86 हजार 4सय ले पुगेन भनेर कसैसँग ऋण लीन सक्नु हुँदैन, नत अरू कसैलाई पैँचो वा सापट दिन सक्नुहुन्छ । यो नितान्त तपाइको मात्र हो ।
उक्त कर्मचारीले भन्यो तपाइ सहमत हुनुहुन्छ भने यसमा सहि गरेर यस खाता लगेर चलाउनुहोस् । यो अवसर भाग्यमानीहरूको लागि मात्र हो ।
त्यस व्यक्तिले सपनामा पनि नसोचेको भाग्य चम्कयो भनेर हुन्छ भनेर सहि गर्यो र मनमनै गद्गद् हुन लाग्यो
त्यसै बेला उसलाई पछाडिबाट कसैले घचघचाएर बोलाउन लाग्यो
उसले यसो पछि फर्केर हेरेको त उसकी श्रीमती रहि छिन- ए हजुर, किन एक्लै हाँसेको सपनामा
उ झसङ्ग भो, त्यो सब त सपनाको रहेछ । फेरि दुखी भयो ।
तर वास्तवमा उसलाई चेतना होस् या नहोस् त्यस दिनको लागी उसको खातामा 86 हजार 4सय जम्मा भइसकेको थियो ।
हरेक दिन भाग्यमानीहरू नयाँ बिहानी देख्छन्, उनीहरूको खातामा 86 हजार 4सय सेकेन्ड जम्मा हुन्छ । उनीहरूले त्यस दिनको सेकेन्ड बढि भयो भनेर न भोलिलाई राख्न सक्छन् नत पुगेन भनेर भोलिको आज नै खर्च गर्न सक्छन् । न त अरू कसैबाट पैँचो लीन मिल्छ न तर अरूलाई सापट दिन नै । यो नितान्त त्यस दिनको लागी मात्र हो, आफ्नो लागी मात्र ।
यदि तपाइले आज यो कथा पढि रहनुभएको छ भने तपाइ पनि ती भाग्यमानी मध्य एक पर्नुहुन्छ । तपाइको आजको 86 हजार 4सय कसरी खर्च गर्ने योजना राख्नुभएको छ त?
बाइबलले हामीलाई समयको बारेमा यसरी सिकाउँछ
कलस्सी 4:5
'समयको सदुपयोग गर्दै, बाहिरकाहरूसँग बुद्धिमानीसाथ व्यवहार गर। 'एफिसी 5:16-17
'यसैकारण मूर्ख नहोओ, तर प्रभुको इच्छा के छ, सो बुझ। समयको पूरा सदुपयोग गर, किनकी दिन खराब छ। 'उपदेशक 3:1-8'सबै कुराका लागि समय छ, र आकाशमुनि सबै कार्यकलापको बेला छ:
जन्मने एउटा समय छ, र मर्ने एउटा समय।
रोप्ने एउटा समय छ, र उखेल्ने एउटा समय।
मार्ने एउटा समय छ, र निको पार्ने एउटा समय।
भत्काउने एउटा समय छ, र बनाउने एउटा समय।
रुने एउटा समय छ, र हाँस्ने एउटा समय।
शोक गर्ने एउटा समय छ, र नाच्ने एउटा समय।
ढुङ्गा छर्ने एउटा समय छ, र ती बटुल्ने एउटा समय।
अँगाल्ने एउटा समय छ, र अलग रहने एउटा समय।
खोज्ने एउटा समय छ, र छोड़िदिने एउटा समय।
राख्ने एउटा समय छ, र फाल्ने एउटा समय।
च्यात्ने एउटा समय छ, र मरम्मत गर्ने एउटा समय।
चूप लाग्ने एउटा समय छ, र बोल्ने एउटा समय।
प्रेम गर्ने एउटा समय छ, र घृणा गर्ने एउटा समय।
युद्ध गर्ने एउटा समय छ, र मेलमिलाप गर्ने एउटा समय।'
परमेश्वरले तपाइलाइ समयको महत्व बुझेर बुद्धिमानिसाथ यसको खर्च गर्न सिकाउनुभएको होस् ।
