प्रत्येक मानिसको काम प्रकट हुनेछ, किनकि न्यायको दिनले त्यो खुलस्त गरिदिनेछ। त्यो आगोद्वारा प्रकट हुनेछ, र हरेकले कस्तो काम गरेको छ, सो आगोले जाँच गर्नेछ। यदि कुनै मानिसले त्यस जगमाथि बनाएको काम रहिरह्यो भने उसले इनाम पाउनेछ। यदि कुनै मानिसको काम जलेर नष्ट भयो भने त्यसले नोक्सानी भोग्नुपर्नेछ, तर त्यो आफैचाहिँ आगोबाट उम्केझैँ बाँच्नेछ।
तिमीहरूको खेदो गर्नेहरूलाई आशीर्वाद देओ, नसराप। आनन्द गर्नेहरूसँग आनन्द गर। रुनेहरूसँग रोओ। एक-अर्कासँग मिलेर बस, अभिमानी नहोओ, तर नम्रहरूसँग सङ्गत गर। कहिल्यै अहङ्कारी नहोओ।
सबैभन्दा बढ़ी एक-अर्काप्रति तिमीहरूको प्रेम अटूट रहोस्। किनकि प्रेमले नै असंख्य पापहरू ढाक्तछ।
यसकारण एकले-अर्कोलाई प्रोत्साहन देओ, र एकले-अर्कोलाई दह्रिलो पार्ने काम गर, जस्तो तिमीहरू गर्दै पनि छौ।
तिमीहरूका मुखबाट कुवाक्य ननिस्कोस्, तर समय सुहाउँदो र सुधार गर्ने मीठो वचन मात्र बोल्ने गर, जसबाट सुन्नेहरूलाई अनुग्रह मिलोस्।
“एउटा नयाँ आज्ञा म तिमीहरूलाई दिँदछु: तिमीहरू एक-अर्कालाई प्रेम गर। तिमीहरूसँग मैले जस्तो प्रेम गरेको छु, तिमीहरूले पनि एक-अर्कालाई त्यस्तै प्रेम गर।
आफ्ना मित्रहरूका लागि आफ्नो प्राण अर्पण गरिदिनुभन्दा ठूलो प्रेम अरू कसैको हुँदैन।
सारा दीनता, नम्रता र धैर्यसँग एउटाले अर्कोलाई प्रेममा सहेर, शान्तिको बन्धनमा पवित्र आत्माको एकता कायम राख्न प्रयत्न गर।
याकूब 4:7 यसकारण आफैलाई परमेश्वरको अधीनमा राख। दियाबलसको विरोध गर, र त्यो तिमीहरूबाट भाग्नेछ।
१ पत्रुस 5:8-9 सचेत रहो, जागा रहो, तिमीहरूको शत्रु दियाबलस कसलाई भेट्टाऊँ र खाइहाँलू भनी गर्जने सिंहझैँ खोजिहिँड्छ। विश्वासमा दह्रिला भएर त्यसको विरोध गर, किनकि संसारभरि नै तिमीहरूका दाजुभाइहरूले पनि यस्तै कष्टको अनुभव गरिरहनुपरेको छ।
एफिसी 4:25-27 यसकारण झूट त्यागेर हरेकले आ-आफ्नो छिमेकीसँग सत्य बोल, किनकि हामी एउटै शरीरमा एक-अर्काका अङ्गहरू हौं। क्रोध गर, तर पाप नगर। घाम अस्ताउन अघि नै तिमीहरूको रीस मरोस्, र दियाबलसलाई मौका नदेओ।
हाम्रो जीवनमा या समाजमा दुष्टताले कुनरूपमा आफ्नो सक्रियता बढाएर हामीलाई परमेश्वरबाट अलग गर्ने प्रयास गर्दैछ ? हामीले जीवनको कुन पक्षलाई वेवास्ता गरेर दुष्टलाई सक्रिय हुने ठाउ दिइरहेका छौं?
के हामीले दुष्टको योजनालाई चिनेर पनि त्यसको विरोध गर्न आनाकानि गरेका त छैनौं?
कसरी हामीले दुष्टको विरोधलाई बढाउन सक्छौं?
प्रभु मलाई दुष्टको विरोध गर्न वल र ज्ञान दिनुहोस्। मेरो जीवनमा दुष्टताले राखेको योजनालाई पहिचान गरी त्यसलाई विफल पार्न सकेको हुँ। मलाई पवित्र आत्माको अगुवाई र ज्ञान दिनुहोस्।
याकूब 1:14-15 तर हरेक मानिस आफ्नै खराब इच्छाद्वारा लोभिएर परीक्षामा पर्दछ। तब खराब इच्छाले गर्भधारण गरेपछि त्यसले पाप जन्माउँछ। अनि पाप पूरै बढ़ेपछि त्यसले मृत्यु ल्याउँछ।
फिलिप्पी 4:8 अन्त्यमा भाइ हो, जे कुरो सत्य छ, जे कुरो आदरणीय छ, जे कुरो न्यायसङ्गत छ, जे कुरो शुद्ध छ, जे कुरो प्रेम-योग्य छ, जे कुरो कृपामय छ, यदि केही श्रेष्ठता, प्रशंसाको योग्य केही छ भने यी नै कुराका विचार गर।
रोमी 12:2 यस संसारको ढाँचामा नचल, तर आफ्नो मनमा नयाँ भई पूर्ण रूपले परिवर्तित होओ, र परमेश्वरको असल, ग्रहणयोग्य र सिद्ध इच्छा के हो, त्यो तिमीहरूले जाँच्न सक।
हामीले के कस्तो कुरा हेर्ने सुन्ने र विचार गर्ने गरि रहेका छौं ? हामीले हेरेका देखेका तथा सुनेका कुराहरुले हामीमा सहि विचारहरू उत्पन्न गराई रहेको होला ?
असल कुराहरूको छनोट के आधारमा गरिरहेका छौं ? परमेश्वरको चाहना अनुरूप या हाम्रो इच्छा अनुरूप?
प्रार्थना गरौं
प्रभु मलाई सहि विचार धारणा तथा व्यवहारमा डोर्याउने थोकको छनोट गर्न सिकाउनु होस्। प्रभु म मेरो जीवन शैलि परिवर्तन गर्न चाहन्छु सहि निर्णय गर्न मलाई सहायता गर्नुहोस्।
दिनु र उत्कृष्ट प्रकारले दिनु अनि काम गर्नु र उत्कृष्ट प्रकारले काम गर्नुमा धेरै ठूलो भिन्नता छ। जसरी हामीले परमेश्वरको इच्छा र योजनालाई विचार गरेर काम गर्नु महत्वपूर्ण हुन्छ त्यसरी नै हाम्रो काम परमेश्वरलाई उत्कृष्ट रूपमा पस्कन सक्नु पर्छ। परमेश्वरले हाम्रो काम र फल मात्र होइन तर हाम्रो हृदयको अवस्था पनि हेर्नुहुन्छ। परमेश्वर त्यस वेला हामी संग खुशी हुनुहुन्छ जब हामीले उहाँलाई उत्कृष्ट तरिकाले दिएका छौं। चाहे परमेश्वरलाई होस या परमेश्वरको नाउँमा अरु कसैलाई हामीले केहि दिन्छौ या केहि गछौं भनें परमेश्वरलाई खुशी पार्ने प्रकारले दिनु महत्वपूर्ण हुन्छ। परमेश्वर जसले हाम्रो हृदयका अन्तस्करणका सवै कुरा देखु हुन्छ र जान्नुहुन्छ उहाँको सामु समाउन नपर्ने प्रकारले गर्न सक्नु नै हाम्रो जीवनको एक उद्देश्य हो। त्यसैले कुनै पनि काम गर्दा या जीवन यापन गर्दा मानिसको सामु होइन तर परमेश्वरको सामु उहाँमा लेखा दिनु पर्ने प्रकारले गर्न सक्नु नै जीवनको सफलता हुन्छ । किनभने हाम्रो कामको वास्तविक इनाम मानिसबाट नभई परमेश्वरबाट आउँछ ।
एफिसी 6:6-7 मानिसहरूलाई खुशी पार्नेले झैँ आँखाको अगि मात्र देखावटी काम नगर, तर ख्रीष्टका दासहरूझैँ साँचो हृदयले परमेश्वरको इच्छा पूरा गर। मानिसहरूका निम्ति होइन, तर प्रभुको निम्ति जस्तै गरी सदिच्छाले सेवा गर,
२ तिमोथी 2:15 शर्माउन नपर्ने र सत्यको वचनलाई ठीकसँग प्रयोग गर्ने कामदारजस्तै आफूले आफूलाई परमेश्वरमा ग्रहणयोग्य तुल्याउने भरमग्दूर प्रयत्न गर।
कलस्सी 3:17 कुरा वा काममा जे-जे गर्छौ, सबै कुरा उहाँद्वारा नै परमेश्वर पितालाई धन्यवाद चढ़ाउँदै प्रभु येशूको नाउँमा गर।
के हामीले परमेश्वरको नाउँमा जे गरेका छौं जे दिएका छौं सो हाम्रो उत्कृष्ट हो भन्नेमा निश्चिन्त हुनुहुन्छ ?
कतै हामीले अझ बढी असल गर्न सक्ने र दिन सक्ने हुंदा हुँदै सो गर्न चुकेका त छैनौं ?
के परमेश्वरले हाम्रो हृदयलाई जाँच्नु हुँदा उहाँ खुशी हुनुहोला ?
प्रभु म जे गर्छु सो उत्कृष्ट रुपमा तपाइको सामु सर्माउन नपर्ने प्रकारले दिन सकेको हुँ । प्रभु मैले मानिसलाई देखाउन होइन तर तपाइलाई देखाउने प्रकारले जीवन जिउन सकेको हुँ ।
प्रस्थान 31:1-3 अनि परमप्रभुले मोशालाई भन्नुभयो, “हेर्, मैले यहूदाका कुलको हूरको नाति, ऊरीको छोरो बजलेललाई चुनेको छु। मैले त्यसलाई परमेश्वरका आत्माले, र सीप, दक्षता र सबै किसिमका कारीगरीको ज्ञानले परिपूर्ण पारेको छु।
एफिसी 1:9 किनकि सम्पूर्ण बुद्धि र आन्तरिक समझमा ख्रीष्टमा राख्नुभएको उद्देश्यअनुसार उहाँले आफ्नो इच्छाको रहस्य हामीलाई जान्न दिनुभएको छ,
परमेश्वरको काम हामी हाम्रै तागत तथा तरीकाले पुरागर्ने प्रयास गरेर कतै हामी असफल भइ रहेको त छैनौं?
आज परमेश्वरले हामीमा राख्नुभएको उद्देश्य पुरागर्न हामीलाई कस्तो अगुवाई गरीरहनु भएको छ?
कतै परमेश्वरले दिनुभएको जिम्मेवारी आफ्नै तरीकाले पुरागर्ने प्रयासमा हामीलाई बोझ त भएको छैन?
प्रभु मलाई तपाईले दिनुभएको जिम्मेवरी पुरा गर्न चाहिने ज्ञान, सिप र वल सबै उपलब्ध गराउनु होस् । प्रभु मैले मेरो जीवनमा तपाईको योजना पुरा गर्न तपाईको अगुवाई प्राप्त गरेको हुँ र तपाइलाई पछ्याउन सकेको हुँ।
आत्मिकी जीवनको सुरुवातलाई नयाँ जन्म भनिन्छ र यसरी सुरु भएको जीवन पनि शारीरिक जीवन सरी नै आत्मामा बढ्दै र हुर्केको हुनु पर्दछ। आतिमकी जीवनमा स्वस्थ्य रुपमा हुर्कि नसकेको जीवनबाट आत्मिकी फलहरू फल्दैनन् र त्यस्तो जीवन बाट परमेश्वरको योजना अनुसार प्रभावकारी जीवन जीउन सक्दैन । मानिस परमेश्वरको ज्ञानमा बढ्दै र हुर्किदै परिपक्क भएको अवस्थामा विभिन्न परिक्षाहरुको सामना गर्नसक्ने हुन्छ। परमेश्वरको नजर मा के सहि र के गलत छुट्याउन सक्ने हुन्छ । यसरी मानिसले आफ्नो जीवनलाई परमेश्वरको बाटो भन्दा बाहिर जानबाट रोक्न सक्छ । परमेश्वरको ज्ञानमा बढ्नु भनेको हाम्रो जीवन मा परमेश्वरले राख्नु भएको योजनालाई पहिचान गर्न सक्नु र त्यसबाट आफूलाई विच्चलीत हुनबाट रोक्न सक्ने हुनु हो। यो ज्ञान दिमागी पढाई मात्र नभई जीवनको मार्ग दर्शन प्राप्ति हो। हामीले परमेश्वरलाई चिन्नु भनेको परमेश्वरको दृष्टिकोणमा आफ्नो जीवनलाई बुझ्नु हो। हामी सवै जसले ख्रिष्टमा नयाँ जीवन सुरु गरेका छौं परमेश्वरको ज्ञानमा बढ्न सकेका हौं जीवनलाई फलदायी बनाउन सकेका हौं।
फिलिप्पी 1:9-10 मेरो प्रार्थना यही छ, कि ज्ञान र अन्तर्दृष्टिमा तिमीहरूको प्रेम झन्-झन् प्रशस्त हुँदैजाओस्, यस हेतुले कि जे उत्तम छ सो तिमीहरू खुट्ट्याउन सक, र ख्रीष्टको दिनको निम्ति शुद्ध र दोषरहित रहन सक।
१ पत्रुस 2:2 नयाँ जन्मेका बालकहरूजस्तै शुद्ध आत्मिक दूधको तृष्णा गर, र त्यसबाट तिमीहरू आफ्नो मुक्तिमा बढ्दैजान सक्नेछौ।
रोमी 12:2 यस संसारको ढाँचामा नचल, तर आफ्नो मनमा नयाँ भई पूर्ण रूपले परिवर्तित होओ, र परमेश्वरको असल, ग्रहणयोग्य र सिद्ध इच्छा के हो, त्यो तिमीहरूले जाँच्न सक।
याकूब 1:5 तर यदि तिमीहरूमध्ये कसैलाई बुद्धिको अभाव छ भने उदार-चित्तसँग नझर्की दिनुहुने परमेश्वरलाई त्यसले मागोस्, र त्यसलाई त्यो दिइनेछ।
के हामी हाम्रो आत्मिक जीवनमा बढेर परिपक्क हुँदै स्वभिमान एका छौ या हाम्रो जीवन आज पनि सुरुमा विश्वासी हुदा जस्तो आत्मिकी ज्ञानको लागि अरुमा भर परिरहेका छौं ?
के परमेश्वरले हामीबाट चाहनुभएको कुराहरू पहिचान गर्न सक्ने भएका छौ?
के आफ्नो ज्ञान वृद्धि को लागि परमेश्वरमा चाहना राखेका वा सहायता मागेका छौं ?
प्रभु मलाई आत्मिक ज्ञानमा बढ्न सहायता गर्नुहोस्। मैले तपाइको योजनाहरू पहिचान गर्न र सो अनुसार चल्न सक्ने बनाउनुहोस् ।
याकूब 3:13 तिमीहरूमध्ये बुद्धिमान् र ज्ञानी को छ? आफ्नो असल जीवनद्वारा बुद्धिको नम्रतामा त्यसले आफ्ना कामहरू देखाओस्।
गलाती 6:9-10 भलाइ गर्ने काममा हामी नथाकौं, किनभने यदि हिम्मत हारेनौं भने ठीक समयमा हामी कटनी गर्नेछौं। यसकारण मौका पाएअनुसार हामी सबै मानिसको भलाइ गर्दैजाऔं, विशेष गरी तिनीहरूको, जो हाम्रो विश्वासका परिवारका हुन्।
यूहन्ना 9:4 मलाई पठाउनुहुनेका कामहरू हामीले दिन छँदै गर्नुपर्छ। रात आउँछ, जब कसैले काम गर्न सक्दैन।
आज यस घडिमा परमेश्वरले हामीबाट के चाहनु भएको छ? आज हाम्रो जीवनमा परमेश्वरको गुणहरू प्रकट गर्ने के कस्ता मौकाहरू परमेश्वरले दिनुभएको छ?
के हामीले परमेश्वरको गुण अनुसारका काम गर्ने मौकाहरू गुमाइरहेका त छैनौं?
के हाम्रो व्यक्तिगत जीवनमा, परिवार, मण्डली तथा समाजमा परमेश्वरको योजना अनुसार सक्रिय भइरहेका छौं ?
प्रभु मलाई तपाईले आफ्नो इच्छा अनुसार जीवन जीउन दिनुभएको मौकाहरुमा सहि निर्णय तथा कदम चाल्न सहायता गर्नुहोस् । तपाइले दिनुभएका मौकाहरु मेरो जीवनमा खेरा नगएका हुन।
हामी मानिसले आफूलाई जति नै परिवर्तन को बाटोमा लैजान खोजे पनि हामी भित्र कहिँ कतै हाम्रो कम्जोरी, चाहना तथा अभिलाषाहरुले प्रभाव पारिरहेको छ कि भनि सचेत हुनु आवश्यक छ। त्यसैले कसैले पनि आफु व्यक्ति गतरूपमा असल बलियो छु भनि घमण्ड गर्न थाहा आफै मा ढुक्क हुन भन्दा कतै हामी भित्रको अभिलाषलाले ठाउ लिएर हामी बाट परमेश्वरको चाहना तथा योजना विपरित को बाटोता लगिरहेको त छैन भनेर जान्नु आवश्यक हुन्छ। परमेश्वर को दृष्टिमा सफल हुने मानिसले आफ्नो क्षमता तथा गुणमा रमाउने मात्र होइन तर आफुमा भएको कम्जोरी तथा त्यसले पार्न सक्ने प्रभावमा सचेत भई जिउन सक्नु पर्छ। यसरी हामीले आफैलाई परमेश्वरको विरुद्ध जान देखी बचाउन सक्छौं। हाम्रा कम्जोरीहरू भा ध्यान नदिएको अवस्थामा हामीले थाहै नपाई परमेश्वर लाई मन नपर्ने कुराहरू आफ्नो जीवनबाट देखाई रहेका हुन्छौं। आफ्नो हृदय वहकिएको आफैलाई थाहा नहुन सक्छ, त्यसैले परमेश्वरको सहायतामा नै हामीले आफ्नो हृदयलाई सुरक्षित राख्न सक्छौं ।
याकूब 4:1 तिमीहरूका बीचमा लड़ाइँ र झगड़ाहरू कुन कुराले ल्याउँछ? के यी सब तिम्रो शरीरका अङ्गहरूमा सङ्घर्ष गर्ने अभिलाषाहरूबाट आएका होइनन् र?
याकूब 1:14-15 तर हरेक मानिस आफ्नै खराब इच्छाद्वारा लोभिएर परीक्षामा पर्दछ। तब खराब इच्छाले गर्भधारण गरेपछि त्यसले पाप जन्माउँछ। अनि पाप पूरै बढ़ेपछि त्यसले मृत्यु ल्याउँछ।
हितोपदेश 4:23 सबै कुराभन्दा बढी, आफ्नो हृदयलाई सुरक्षित राख्, किनभने त्यो सारा जीवनको मूल हो।
फिलिप्पी 4:6-7 कुनै कुरामा चिन्तित नहोओ, तर हरेक कुरामा प्रार्थना र निवेदनद्वारा धन्यवादसहित तिमीहरूका बिन्ती परमेश्वरमा जाहेर होऊन्, र समझले नै भियाउन नसकिने परमेश्वरको शान्तिले तिमीहरूका हृदय र तिमीहरूका मनलाई येशूमा रक्षा गर्नेछ।
कतै हाम्रो चाहना , तथा शारीरिक अभिलाषा द्वारा डोर्याइएको जीवन जिइ रहेका त छैनौं ?
हाम्रो आफ्नो कम्जोरीहरु के के होलान ? हामीले आफ्ना यि कमजोरीहरूलाई कसरी नियन्त्रणमा राख्न सक्छौं होला ?
आफना कम्जोरीहरूलाई वसमा राख्न परमेश्वरको अगुवाईमा हिंडेका छौं ?
प्रभु मेरो जीवनका कम्जोरीहरुलाई थाहा गर्दै सचेत भएर तपाइकै योजना र इच्छामा रहन सहायता गर्नुहोस् । मेरो हृदयलाई तपाइको आत्माले रक्षा गर्नुहोस ताकि यसले तपाइको इच्छा र योजना विरुद्धको बाटोमा मलाई नलगेको होस् ।
गलाती 5:25 हामी पवित्र आत्माद्वारा जिउँछौं भने आत्माकै अनुसार हिँड़ौं।
यशैया 59:21 परमप्रभु भन्नुहुन्छ, “मेरो करार तिनीहरूसित चाहिँ यही हुनेछ। मेरो आत्मा जो तँमाथि छ, र मेरो वचन जो मैले तेरो मुखमा हालिदिएको छु, त्यो तेरो मुखबाट, तेरो छोराछोरीका मुखबाट, र तिनीहरूका सन्तानका मुखबाट अबदेखि उसो सधैँभरिका निम्ति हट्नेछैन,” परमप्रभु भन्नुहुन्छ।
रोमी 8:26-27 त्यसै गरी पवित्र आत्माले पनि हाम्रो दुर्बलतामा सहायता गर्नुहुन्छ। कसरी प्रार्थना गर्नुपर्ने हो हामी जान्दैनौं, तर शब्दहरूमा व्यक्त गर्न नसकिने सुस्केरामा पवित्र आत्माले हाम्रा निम्ति मध्यस्थता गर्नुहुन्छ। र मानिसहरूका हृदयको खोजी गर्नुहुनेले पवित्र आत्माको विचार के हो सो जान्नुहुन्छ, किनकि परमेश्वरको इच्छाअनुसार पवित्र आत्माले सन्तहरूका निम्ति मध्यस्थता गर्नुहुन्छ।
के हामीलाई आत्मिकी जीवनमा अघि बढ्न गाह्रो भइरहेको त छैन? यस यात्रा कसको सहायतामा पुरागर्दै छौं ?
हामीले हाम्रो जीवनमा परमेश्वरको योजना आफ्नै वलमा पुरागर्न आटेका छौं या पवित्र आत्माको अगुवाइमा?
परमेश्वरको सहायता आफ्ना कमजोरीहरूलाई जित्न सफल हुनु भएको छ ?
प्रभु म तपाइको मार्गमा हिँड्न चाहन्छु मलाई तपाइको आत्माको अगुवाई दिनुहोस्। मेरा कम्जोरी तथा घटिकमीले ल्याउने आत्मिक चुनौतीहरूमा विजय दिनुहोस्।
आत्मिकी जीवनको यात्रा घोडामा चढेर दौडेको जस्तो कहिल्यै पछि फर्के एकोहोरो अघि मात्र कुद्ने होइन। किन भने प्रभुले हाम्रो जीवनमा कहाँ पुग्यौं भनेर हाम्रो गन्तब्यलाई मात्र विचार गर्नुहुन्न तर जीवनका कुनै पनि गन्तब्य सम्म कसरी पुग्यौं भन्ने कुरालाई पनि हेर्नुहुन्छ। त्यसैले आत्मिक जीवनको यात्रामा हामीले चाल्ने कदमहरु पनि उचत छन् या छैनन् जाँचेर अघि बढ्नुहुन्छ। यदि हामीले चालेका कदमहरूनै सहि छैनन् भने हामीले परमेश्वर कै निम्ति पनि गरेका कामहरू पनि परमेश्वरमा स्विकार योग्यका हुँदैनन । त्यसैले आत्मिकी रूपमा बढ्न र परमेश्वरलाई मन पर्दो फल फलाउन हामीले चालेका कदमहरूलाई बारम्बार जाच्दै अघि बढ्नु पर्छ। हामीले परमेश्वरको नाउँमा गरेकोको हरेक कदमहरू परमेश्वरलाई आदर दिने प्रकारको छ या छैन भनि वारम्बार जाच्नु पर्दछ र छैन भने फेरी त्यसलाई सुधारेर अघि बढ्नु महत्वपूर्ण हुन्छ। त्यसैले परमेश्वरको दृष्टिमा स्विकारयोग्य कदमहरू कस्ता हुन्छन् र कस्तो कदमहरुलाई परमेश्वरले इन्कार गर्नुहुन्छ सो जान्नु अति महत्वपूर्ण हुन्छ। परमेश्वाको चाहनाको ज्ञानमा नै हामीले आफना कदमहरुलाई जाँच्नु पर्छ ।
गलाती 5:19-23 पापमय स्वभावका कामहरू प्रत्यक्ष छन्, जो यी नै हुन्— व्यभिचार, अपवित्रता, लम्पटपना, मूर्तिपूजा, मन्त्रतन्त्र, दुश्मनी, झैँझगड़ा, ईर्ष्या, क्रोध, स्वार्थीपन, फूट, गुटबन्दी, डाह, पियक्कड़पन, अश्लील मोजमज्जा र यस्तै अरू, जसका विषयमा म तिमीहरूलाई चेताउनी दिन्छु, र अघि पनि दिएकै हुँ। जस-जसले यस्ता कामहरू गर्दछन्, परमेश्वरका राज्यका हकदार बन्नेछैनन्। तर पवित्र आत्माको फलचाहिँ प्रेम, आनन्द, शान्ति, धैर्य, दया, भलाइ, विश्वस्तता, नम्रता, संयम हुन्। यस्ता कुराहरूका विरुद्धमा कुनै व्यवस्था छैन।
एफिसी 5:3-6 तर तिमीहरूका बीचमा व्यभिचार र सारा अशुद्धता अथवा लोभको नाउँसमेत नलिइओस्, जो सन्तहरूका बीचमा हुन सुहाउँदैन। कुनै अश्लील कुरा, मूर्ख बातचीत अथवा बेफाइदाको ठट्यौली नगर्नू, यी सुहाउने कुरा होइनन्। तर बरु धन्यवाद दिने काम होस्। किनकि यो त तिमीहरू निश्चय नै जान, कि कुनै व्यभिचारी कि अशुद्ध मानिस अथवा लोभी मानिसलाई (जो मूर्तिपूजक हो) ख्रीष्ट र परमेश्वरको राज्यमा कुनै उत्तराधिकार छैन। कसैले तिमीहरूलाई खोक्रा कुराले धोका नदेओस्, किनकि ती कुराको कारणले अनाज्ञाकारीहरूमाथि परमेश्वरको क्रोध पर्छ।
के हामीले परमेश्वरले दिनुभएको उद्देश्य पुरा गर्न परमेश्वरको सामु अयोग्य हुने प्रक्रिया पछ्याएका छौं ?
के हामीले चालेका कदमहरू परमेश्वर को दृष्टिमा जाँचेर सुधार गर्ने कोशिस गरेका छौं ?
के हामीले जीवनमा के गर्यौं भन्नेमा नभई कसरी गर्यौं भनेमा पनि र्गव गर्न सक्छौं ?
प्रभु मेरो जीवनका हरेक कदमहरू पवित्र आत्माले जान्नुहोस् र गलत कुराहरु देखाई दिनुहोस् । मेरो जीवनका कदमहरुलाई तपाइको इच्छा अनुसार चाल्न शक्ति, वल, र अगुवाई दिनुहोस्।
जसरी खेती बालिको उत्पादन मोसम अनुसार हुन्छ । सहि मौसम मा नै यथेष्ट फल हरु प्राप्त हुन्छन । हामीले बर्खे बालि हिउदमा खेति गरेर हुँदेन । रोप्ने समय छ स्याहार सुसार गर्ने समय र कटनि गर्ने समय समेत मिलाएर गरेको खेतिले प्रशस्त उत्पादन दिन्छ । हाम्रो जीवनलाई फलदायि बनाउन पनि सहि समयको पहिचान गर्नु त्यति नै महत्वपूर्ण हुन्छ । हाम्रो जीवनमा पनि विभिन्न कामहरूको छुट्टा छुट्टै समयहरू परमेश्वरले तोकि दिनुभएको छ । जीवनलाई सफलता तर्फ डोर्याउन सहि समयको पहिचान गर्नु अति महत्वपूर्ण हुन्छ। परमेश्वरले तोकिदिनु भएको समय भन्दा बाहेक बाट हामील जीवनलाई चलाउन खोज्यौ भने सफल हुन सकिंदैन र त्यसले निरासा पैदा गर्दछ । समयलाई चिनेर सोहि अनुसार कदम चाल्यौं भनें मात्र हाम्रो जीवनले परमेश्वरको चाहना अनुसारको फलफलाउँछ । जीवनको समय पहिचान गर्न वातावरणको मौसम जाने जस्तै सजिलो भनें हुँदैन । हामीले यो पनि बुझ्नु पर्छ कि परमेश्वरको समय हामीले जानेर बुझे अनुसार फरक हुन्छ। हामीले हाम्रो इच्छामा परमेश्वरलाई चलाउने होइन तर परमेश्वरको समयमा आफूलाई चलाउने हो। पवित्र आत्मा परमेश्वरको सहायतामा नै हामीले समय के को लागि हो थाहा गर्न सक्छौं । हामी सवैले यसरी नै समयको पहिचान गरेर परमप्रभुमा अघि बढेका हौं ।
उपदेशक 3:1-4 सबै कुराका लागि समय छ, र आकाशमुनि सबै कार्यकलापको बेला छ: जन्मने एउटा समय छ, र मर्ने एउटा समय। रोप्ने एउटा समय छ, र उखेल्ने एउटा समय। मार्ने एउटा समय छ, र निको पार्ने एउटा समय। भत्काउने एउटा समय छ, र बनाउने एउटा समय। रुने एउटा समय छ, र हाँस्ने एउटा समय। शोक गर्ने एउटा समय छ, र नाच्ने एउटा समय।
रोमी 13:11-12 यसबाहेक यो वर्तमान समय कस्तो छ, सो तिमीहरूलाई थाहा छ। अब निद्राबाट ब्यूँझने ठीक बेला आइपुगेको छ, किनकि हामीले पहिले विश्वास गरेको भन्दा अहिले हाम्रो मुक्ति अझ नजिक छ। रात बितिसक्यो, र दिन नजिकै आइपुगेको छ। यसकारण अन्धकारका काम छोड़ेर हामी ज्योतिका हातहतियार धारण गरौं।
२ पत्रुस 3:8, 10 तर प्रिय हो, यो एउटा कुरा नभुल, कि प्रभुको निम्ति एक दिन हजार वर्षझैँ र हजार वर्ष एक दिनझैँ हुन्छ। तर प्रभुको दिन त चोरजस्तै गरी झट्टै आउनेछ, जसमा आकाशचाहिँ ठूलो आवाजसाथ बितिजानेछ, तत्त्वहरू आगोको रापले पग्लिनेछन्, र पृथ्वी र त्यसमा भएका सबै थोक भस्म हुनेछन्।
आज यस घडिमा परमेश्वरले म बाट के चाहनु भएको छ ? यो परमेश्वरको योजना अनुसार के गर्ने समय हो ?
कतै मेरो जीवनबाट परमेश्वरलाई आफ्नो समय अनुसार चलाउने प्रयत्न त गरेको छैन ?
परमेश्वरको अप्रत्यासित समयर योजनाको लागि मे तयार छु ?
प्रभु मेरो जीवनमा तपाईले राखि दिनुभएको समयको सहि पहिचान गर्न र सोहि समय अनुसार चल्न सहायता गर्नुहोस्। आजको दिनमा तपाईले राख्नु भएको योजनाहरू ममा पुरा भएका हुन् ।
यर्मिया 2:13 “मेरा प्रजाले दुई वटा पाप गरेका छन्: मलाई, जिउँदो पानीको मूललाई, तिनीहरूले त्यागेका छन्, र पानी नरहने फुटेका कुण्डहरू आफ्ना निम्ति खनेका छन्।
हिब्रू 4:16 यसकारण साहससँग अनुग्रहको सिंहासन नजिक जाऔं, र खाँचोको समयमा सहायता पाउनलाई कृपा र अनुग्रह प्राप्त गर्न सकौं।
१ यूहन्ना 4:13-17 उहाँले हामीलाई आफ्ना आत्माबाट दिनुभएको हुनाले हामी यो जान्दछौं कि हामी उहाँमा रहन्छौं र उहाँ हामीमा रहनुहुन्छ। हामीले देखेका छौं, र गवाही दिन्छौं, कि पिताले आफ्ना पुत्रलाई संसारका मुक्तिदाताको रूपमा पठाउनुभएको छ। जसले येशूलाई परमेश्वरका पुत्र हुनुहुन्छ भनी स्वीकार गर्छ, उसमा परमेश्वर वास गर्नुहुन्छ, र उचाहिँ परमेश्वरमा। यसरी हामीप्रति भएको परमेश्वरको प्रेम हामी जान्दछौं र विश्वास गर्छौं। परमेश्वर प्रेम हुनुहुन्छ, र जो प्रेममा रहन्छ त्यो परमेश्वरमा रहन्छ, र परमेश्वर उसमा रहनुहुन्छ। न्यायको दिनको निम्ति हामी पूर्ण भरोसासाथ बस्न सकौं भनेर प्रेम यसैमा हामीमा सिद्ध भएको हुन्छ। किनकि उहाँ जस्तो हुनुहुन्छ हामी पनि यस संसारमा त्यस्तै छौं।
१ पत्रुस 2:2 नयाँ जन्मेका बालकहरूजस्तै शुद्ध आत्मिक दूधको तृष्णा गर, र त्यसबाट तिमीहरू आफ्नो मुक्तिमा बढ्दैजान सक्नेछौ।
हामीले परमेश्वरलाई स्विकार गरेका त छौं तर के निरन्तर उहाँमा जोडिएर जीवन जीउन सफल भएको छौं?
परमेश्वर संग जोडिएर हाम्रो जीवनको लागि उहाँबाट कस्तो कस्तो पोषणहरू प्राप्त गर्न सकेका छौं?
जीवनको अन्त्य सम्म नै विश्वासलाई थामि राखनको निम्ती आतिमकी स्वस्थता हामी मा छ ?
प्रभु हामीलाई निरन्तर तपाइमा जरा गाडिएर जीवनलाई चाहिने आत्मिकी पोषण प्राप्त गर्न सक्षम बनाउनुहोस् । तपाइमा रहेर सधै आत्मिकी फल फलाउन सक्ने स्वस्थ विश्वासी बन्न सहायता गर्नुहोस् ।
एफिसी 4:22-24 छली लालसाहरूद्वारा भ्रष्ट भएका तिमीहरूको अगाडिको जीवनको ढाँचासँग सम्बन्धित तिमीहरूको पुरानो स्वभाव त्याग। र आफ्नो भित्री वर्तावमा नयाँ होओ, र परमेश्वरको स्वरूपमा साँचो धार्मिकता र पवित्रतामा सृष्टि भएको नयाँ स्वभावलाई धारण गर।
कलस्सी 2:6-7 यसकारण जसरी ख्रीष्टलाई तिमीहरूले ग्रहण गर्यौ, त्यसरी नै उहाँमा जीवन बिताओ। धन्यवाद दिनमा प्रशस्त हुँदै, तिमीहरूलाई शिक्षा दिएबमोजिम उहाँमा जरा गाडिएका र निर्माण भएका र विश्वासमा दह्रिला भएका होओ।
एफिसी 3:16-19 म प्रार्थना गर्छु, कि उहाँका महिमाको सम्पत्तिअनुसारको शक्तिले उहाँका आत्माद्वारा भित्री मनुष्यत्वमा तिमीहरूलाई शक्तिशाली पारून्, र विश्वासद्वारा ख्रीष्ट तिमीहरूका हृदयमा वास गरून्, र प्रेममा जरा गाडिएका र दह्रिला भएर, सबै सन्तहरूसँग चौडाइ, लमाइ, उचाइ र गहिराइ के रहेछ सो बुझ्ने शक्ति प्राप्त गर्न सक, र ज्ञानलाई माथ गर्ने ख्रीष्टको प्रेमलाई थाहा पाउन सक, ताकि परमेश्वरको सारा पूर्णताले तिमीहरू भरिपूर्ण होओ।
परमेश्वरको चाहना अनुसारको फल फलाउन तपाई हामीले परमेश्वरको वचनमा कतिको डुबेका छौँ?
हाम्रो जिवनका चाहना तथा इच्छाहरु के परमेश्वरको वचनको प्रेरणा बाट निस्केका छन् या यी सबै हाम्रै शारीरिक चाहनाहरू हुन्?
हाम्रो चाहनालाई परमेश्वरको चाहना स्वरूपमा बदल्न हामीले ग्रहण गर्नुपर्ने र त्याग गर्नुपने कुराहरू के के हुन् ?
प्रभु मलाई मेरा इच्छा र चाहनाहरू तपाईबाट आएका हुन् या होइन सो पहिचान गर्न सहायता गर्नुहोस् । मलाई तपाई कै वचन मा जरा गाडिएर हुर्किन सहायता गर्नुहोस् ताकि तपाइका इच्छा तथा चाहना हरुलाई आफ्नो बनाउन सकेको हुँ ।
व्यवस्था 30:19-20
आज म स्वर्ग र पृथ्वीलाई तिमीहरूका विरुद्धमा साक्षी राख्तछु, कि मैले तिमीहरूका अगि जीवन र मृत्यु, आशिष् र श्राप राखेको छु। अब जीवन नै रोज, ताकि तिमीहरू र तिमीहरूका बालबच्चाहरू जिउन सक, र परमप्रभु तिमीहरूका परमेश्वरलाई प्रेम गर्दै, उहाँका आज्ञा मान्दै र उहाँसँगै लीन बन्दै बाँचिरहो। किनकि परमप्रभु नै तिमीहरूको जीवन हुनुहुन्छ, र तिमीहरूका पुर्खा अब्राहाम, इसहाक र याकूबसित उहाँले दिन्छु भनी शपथ खानुभएको देशमा उहाँले तिमीहरूलाई दीर्घायु बनाउनुहुनेछ।
हितोपदेश 3:5-6
आफ्नो सारा हृदयले परमेश्वरमा भरोसा राख्, र तेरो आफ्नै समझशक्तिमा भर नपर् आफ्ना सारा मार्गमा उहाँलाई सम्झी, र उहाँले तेरा मार्गहरू सोझा तुल्याइदिनुहुनेछ।
आज हामीले के के कुरामा निर्णय लिंदैछौं ?
के हामीले लिने निर्णयहरुले हाम्रो जिवनमा परमेश्वरको इच्छा र योजना पुरा गर्ने छन् ?
जीवनमा हामीले तय गर्ने बाटोहरु के असल र के खराब हो भन्नेमा स्पष्ट हुनुहुन्छ ?
के आफ्नो जीवनलाई बुझ्न परमेश्वरको सहायता लिनु भएको छ ?
प्रभु मेरो जीवनमा सहि र खराबको ज्ञान दिनुहोस् र जे असल छ सो निर्णय गर्न र त्यसमा अडिग हुन मलाई सहायता गर्नुहोस् ताकि मेरो जीवन फलदायी भएको होस् र ममा तपाईंको योजना पुराभएको हुन
हामी विश्वासी आत्मिकी फल फलाउँदै अघि बढ्नु परमेश्वरको योजना र चाहना हो भने हाम्रो जीवनमा परमेश्वरले फलाउन चाहनु भएको फल के हुन भनि बुझ्नु अति आवश्यक छ । जब हामीले ति फलहरूको पहिचान गर्दछौं तब मात्र हाम्रो आत्मिक जीवन सार्थक भए नभएको थाहा पाउन सक्छौं। हाम्रो फल कुनै एक प्रकारको मात्र नभई बहु गुणले भरिएको हुनुपर्छ।
1. परमेश्वरका गुणहरूले भरिपूर्ण
2. असल काममा अग्रसर
3. अनुग्रह र प्रेमले भरिपूर्ण सेवा
4. उदाहरणीय जीवन शैलि
5. सत्य र न्यायको पक्षधर
6. सुसमाचारको बाहक
खिष्टमा परमेश्वरले हामी यस्तै गुणहरूले भरिपूर्ण जीवन देख्न चाहनुहुन्छ। यि सबै गुणले भरिपूर्ण फलहरू तत्कालै हामीमा नभए पनि यदि हाम्रो जीवन यस प्रकारको शैलिमा परिणत भइरहेको ६ भनें हामी उत्साहित हुँदै अझ पूर्ण रुपमा परमेश्वरको फल फलाउन प्रयासरत बनौं । हामीले यो जानि राख्नु पर्दछ कि परमेश्वरको साथ र सहयोग विना आफ्नै वल र तागतमा मात्र यस्ता फलहरू फलाउन सक्दैनौं । परमेश्वरको काम हामी मा र हामी भित्र निरन्तर भइरहनु पर्दछ ।
यूहन्ना 15:5-8
“दाखको बोट म हुँ, तिमीहरूचाहिँ हाँगाहरू हौ। यदि कोही ममा रह्यो भने, र म त्यसमा रहें भने, त्यसले धेरै फल फलाउँछ, किनकि मबाट अलग रहेर तिमीहरू केही गर्न सक्दैनौ। कोही मानिस ममा रहेन भने, त्यो हाँगाझैँ बाहिर मिल्काइन्छ, र त्यो सुकिहाल्छ। यस्ता हाँगाहरू मानिसहरूले बटुल्छन्, र आगोमा फालिदिन्छन्, र ती जलिहाल्छन्। तिमीहरू ममा रह्यौ भने, र मेरा कुरा तिमीहरूमा रहे भने, तिमीहरूलाई जे इच्छा लाग्छ माग, र त्यो तिमीहरूका निम्ति गरिनेछ। तिमीहरूले धेरै फल फलाएर मेरा चेला हौ भन्ने प्रमाणित गर्यौ भने यसैमा मेरा पिताको महिमा हुनेछ।
हाम्रो जीवनमा परमेश्वरले के कस्तो काम गरी रहनु भएको छ ? हामीबाट के हटाउँदै हुनुहुन्छ र के थप्दै हुनुहुन्छ ?
आजसम्म हामी ख्रीष्टको चेलाभएर के कस्तो फलहरू फलाउन सक्छम भएका छौं ?
अव कस्तो गुणले भरिएको फलहरू फलाउन बाँकी छ ?
प्रभु मैले मेरो जीवनलाई फलदायि बनाउन तपाइले गरिरहनु भएको काम देख्न सकुँ । मेरो जीवनलाई अझ फलदायी बनाउन मलाई चलाउनुहोस । मलाई तपाइमा अझ बढदै जान उत्साहित बनाउनुहोस
२ कोरिन्थी 3:18
हामी सबै घुम्टो हटाइएको मुहारले प्रभुको महिमा प्रतिबिम्बित गर्दछौं, अनि एउटा महिमादेखि अर्को महिमातिर उक्लँदै उहाँको रूपमा बद्लिँदैजान्छौं। परमप्रभुबाट यो आउँछ, जो आत्मा हुनुहुन्छ।
१ थेसलोनिकी 5:23
शान्तिका परमेश्वर आफैले सम्पूर्ण रूपले तिमीहरूलाई चोखा तुल्याऊन्, र तिमीहरूका समस्त आत्मा, प्राण र शरीर हाम्रा प्रभु येशू ख्रीष्टको आगमनमा निष्कलङ्क रहून्।
हाम्रो जीवनको सफलतालाई हामीले कुन रूपमा जाँचि रहेका छौं ? के हाम्रो जीवनको संघर्षमा परमेश्वरको सहायताको खोजी गरेका छौं ?
हामीले कुन कुन पक्षमा परमेश्वरको सहकार्यता खोजेका छौं र परमेश्वरले हाम्रो जीवनमा कुन हैसियतमा काम गरीरहनु भएको छ ?
येशूको स्वरूपमा परिवर्तन हुँदै जान कुन पक्षलाई हामीले अपनाउनु पर्ला ?
प्रभु तपाई मेरो जीवनको हरेक मोडमा मेरो साथ हुनुहुन्छ । परमेश्वर मलाई तपाइको आत्माको कार्यमा सहभागी गर्नुहोस् ताकि मैले एक सफल जिवन जिउन सकुँ ।
हामी प्रत्येक दिन परमेश्वरले हाम्रो जीवनमा राख्नु भएको योजनामा सफल भएर जीउनकोलागि बनाइएका हौं । जव हामी आफ्नो बोलावट अनुसार जीउने प्रयास गर्दछौं , विभिन्न चुनौतिहरुको सामना गर्नु पर्ने हुन्छ । यस्तो बेलामा हामी आत्मक रूपमा अपरिपक्क छौं भनें परमेश्वरको योजना पुरागर्न असमर्थ र असफल हुन सक्छौं। तर परमेश्वरले हामीले हाम्रो जीवनमा भेटेका मानिस तथा घटनाको माध्यम द्वारा हामीलाई परिपक्क बनाउनु हुन्छ र यसै क्रममा हामी प्रभु येशू ख्रीष्टको स्वरूपमा परिवर्तन हुँदै जान्छौं ।
यूहन्ना 15:16
मलाई तिमीहरूले चुनेनौ, तर मैले तिमीहरूलाई चुनें र तिमीहरूलाई नियुक्त गरें, कि तिमीहरू जाओ, र फल फलाओ, अनि तिमीहरूको फल रहिरहोस्। यसैले तिमीहरूले पितासँग मेरो नाउँमा जे मागौला, उहाँले तिमीहरूलाई सो दिनुहुनेछ।
गलाती 5:22-23
तर पवित्र आत्माको फलचाहिँ प्रेम, आनन्द, शान्ति, धैर्य, दया, भलाइ, विश्वस्तता, नम्रता, संयम हुन्। यस्ता कुराहरूका विरुद्धमा कुनै व्यवस्था छैन।
हामीले हाम्रो जीवनबाट कस्तो फल फलाएको परमेश्वर चाहनु हुन्छ सो विचार गरौं
परमेश्वरले कुन फलको लागि हामीलाई चुन्नु भयो ? के हामी सफल भएको छौं ?
परमेश्वरको योजना हाम्रो जीवनमा सफल बनाउनको लागि के हामीले परमेश्वर सँग सहायता मागेका छौं?
प्रभु म मेरो जीवनको सबै क्षेत्रहरूमा फलदायी हुन चाहन्छु । मेरो जीवनमा तपाइको आत्मा को सहकार्यता दिनुहोस् र सफल हुन सकुँ ।
त्यसले मेरो पुकारा गर्नेछ, र म त्यसलाई उत्तर दिनेछु। त्यसका दु:खको घड़ीमा म त्यससँग हुनेछु, म त्यसलाई छुटकारा दिनेछु, र आदर गर्नेछु।
भजनसंग्रह 91:15
संसारमा स्थापित विभिन्न सम्बन्धहरु मध्ये मित्रको सम्बन्ध बढो अलौकिक हुन्छ । पारिवारिक सम्बन्धहरू रगतले जोडिएको कारण प्राकृतिक रूपमा स्थापित भएका हुन्छन । तर मित्रसँगको सम्बन्ध हाम्रो छानौट हो, यो कुनै व्यक्ति सँगको घनिस्टता, विश्वास र भरोसा हो जुन सबै पारिवारीक सम्बन्धहरूमा स्थापित नहुन सक्छ । परिवारकै सम्बन्ध भित्र पनि यदि त्यहा घनिष्टता, विश्वास र भरोसा छ भनें हामीले एक अर्कालाई मित्र मान्न सकिन्छ । जस्तो कसैले मेरो आमा नै मेरो बेष्ट फ्रेन्ड हो भन्यो भनें आमा संगको सम्बन्ध आदर र प्रेमभन्दा पनि त्यहाँ भएको विश्वास र घनिष्टतालाई जनाउँछ। असल मित्रले हामीलाई खाँचो पर्दा हाम्रो साथमा हुन्छ, हाम्रो हृदयको दु:ख खुशी सबै कुरा झर्को नमानि सुन्छ, हामी संग समय विताउन रुचाउँछ र परेको बेला दिलो ज्यानले सहयोग गर्छ। हाम्रा कति मित्रहरू यस्तै पनि होलान तर संसारका मित्रहरूको पनि सिमिता छ, चाहेरै पनि सब समय हाम्रो साथ नहुन सक्छन् र हाम्रो दुखमा सहभागि हुन असमर्थ्य हुन सक्छन्। मित्रता खराब नभएपनि समय र परिस्थितिले यो मित्रता प्रभावकारी नहुन पनि सक्छ। तर परमेश्वर हाम्रो सर्वश्रेष्ठ मित्र हुनुहुन्छ उहाँको साथ, सहयोग र मित्रता कहिल्यै पनि कमि हुँदैन र कमजोर हुँदैन । त्यसैले हामी सब परमेश्वरसँग को मित्रता लाई अझ गहिरो बनाउँदै आफ्नो जीवनलाई सुमधुर बनाउँदै अघि बढौं ।
Namaste Vs. Jay-Mashi: An Invention of Indigenous Christian greeting in Nepal By: Pabitra M. Bhandari Anyone who enters Nepal will be greete...
Copyrights @ Bishwasi.com - Blogger Templates By Templateism | Templatelib
