मरियमको जीवन- बाइबल अध्ययन || Mary's Life Bible Study in Nepali
तलको स्लाइड माथि सार्दै अध्ययन गर्नुहोस्।
More Stories
September 29, 2023
पुरातात्विक उत्खननले
प्रमाणित गरेको बाइबलिय घटना
हामीलाई थाहा छ बाइबल धर्मशास्त्र साँचो छ र हामीले
परमेश्वरको निम्ति जान्न आवश्यक सबै विषयमा सत्य शिक्षा बाइबलबाटै प्राप्त गर्दछौं । बाइबलिय घटनाहरू हजारौ वर्ष पुराना भए पनि वर्तमान समयमा पनि त्यति बेलाका कति
सत्य प्रमाणहरू हाम्रो सामु आइरहेका छन्। त्यसै मध्यको एक प्रमाण हो यशैया
अगमवक्ताको छाप। जुन 2018 साल फेब्रुअरी महिनामा यरूसलेमको मन्दिरभएको डाँडाको दक्षिण
पट्टी उत्खनन् गर्दा फेला परेको हो । हिजकिया राजाको छाप सहित फेला परेको यशैयाको
छापले बाइबल (2राजाहरू 19-12)मा देखाए जस्तै हिजकिया राजा र यशैया अगम्वक्ता सँगै इस्राएलको
अगुवाइ गरेको र नजिकको सम्बन्ध रहेको देखाउँछ । आंशिक फुटेको अवस्थामा फेला परेको
उक्त छाप मा प्रस्ट सँग देखिने गरि यशैया अगमवक्ता भनेर लेखिएको छ। उक्त छाप 2700
वर्ष पुरानो प्रमाणित भएको छ जुन बाइबलमा उल्लेखित यशैया र हिजकियाको समय सँग मिल्दछ
।
(Source: biblearchaeologyreport.com)
September 26, 2023
सङ्कालाई लङ्का पुर्याई प्रभु
२ पत्रुस 1:5-9
यसैकारण सबै किसिमका प्रयत्नद्वारा तिमीहरूको विश्वासमा सद्गुण र सद्गुणमा ज्ञान थप, ज्ञानमा आत्मसंयम, आत्मसंयममा धैर्य, धैर्यमा भक्ति, भक्तिमा भातृ-स्नेह, भातृ-स्नेहमा प्रेम थप। किनकि यी कुराहरू तिमीहरूमा प्रशस्त छन् भने हाम्रा प्रभु येशू ख्रीष्टको ज्ञानमा यी कुराहरूले तिमीहरूलाई बेकम्मा र निष्फल हुनदेखि बचाउनेछन्। किनकि यी कुराहरूमा अभाव भएको मानिसचाहिँ पुराना पापहरूबाट शुद्ध भएको कुरा बिर्सेर अन्धा र टाढ़ाका कुरा नदेख्नेजस्तो हुन्छ।
विश्वासीको रूपमा कहिल्यै आफुलाई सङ्कालुको फेलापार्नु भएको छ। तपाई मात्र होइन हामी सबै जसो कुनै न कुनै रूपमा वा समयमा आफ्नो विश्वासमा संघर्ष गर्न पुगेका हुन्छौं । कतिलाई बाइबल साँच्चै परमेश्वरको वचन हो भन्ने लाग्न सक्छ, कतिलाई आफ्नो प्रार्थनामा शक्ति छ भन्नेमा नै ढुक्क नहोउँला । कतिलाई जीवन भनेको अहिले यहिँ मात्र हो स्वर्ग, अनन्तता आदि वास्तविक हुन या परिकल्पना मात्र हुन् भन्ने पनि लाग्ला ।
सङ्कालाई वढन दियो भनें अरु संका उत्पन्न गराउँछ तर यसको श्रोत र यसलाई कसरी सामधान गर्ने भन्ने बारे हामीले सोच्यौं भनें हामी आफ्नै जीवनको लागि र परमेश्वरको राज्यको लागि प्रभावकारी बन्न सक्छौं । ऑफु भित्र भएको सङ्कालाई निर्मुल नगरी हामीले केहि नभए जस्तो गरी उभिएर मात्र हुँदैन ।
विश्वासीहरूको बिचमा सङ्कालाई उल्लेख गर्नु एक किसिमको पाप जस्तै मान्ने पनि गरिन्छ । हामीलाई अरुले नजान्ने कमजोर भनेर न्याय गर्छन भन्ने डरमा सङ्कालाई भित्रै गुम्साउने गर्दछौं। यसरी संकामा गुम्सिएर परमेश्वरले दिन चाहनु भएको घनिस्टता तथा आनन्दबाट हामीले आफैलाई बञ्चित पारीरहेका हुन सक्छौं ।
सङ्का गर्नु आफैमा पाप होइन यो एउटा आत्मिक संघर्ष हो । विशेष गरी परमेश्वरको विरोधी शैतानले हामीलाई परमेश्वरको नजिकताबाट टाढा पार्न चाहेको हो। सङ्कालाई हामीले परमेश्वरको विरुद्दमा प्रश्न गर्न भन्दा पनि उहाँको गुण, सत्यता तथा भलाइलाई अझ राम्रो संग चिन्नको निम्ति कदमको रूपमा लिन सकिन्छ । आफ्नो व्यक्गत प्रार्थना, बाइबल अध्ययन तथा संगतीमा प्राप्त वचन, शिक्षा आदिद्वारा जान्ने प्रयास गर्न सकिन्छ । सङ्काको बाहानामा हामी परमेश्वरको ज्ञान र प्रार्थनामा अझ बढ्दै जान्छौं । जनानेको नबुझेको केहि छ भने असल अगुवाहरू संग सोध्न हिच्किचाउनु हुँदैन । जसरी निकोदेमशले, येशूलाई सोधे अनी बाइबलमा येशूका चेलाहरुले पनि प्रश्न गरी बुझ्ने प्रयास गरेको हामी पाउँछौं।
परमेश्वरसँगको सम्बन्धमा हामीले सुनेको पढेको र देखेको भरमा मात्र सबैकुरा प्रस्ट हुँदैन। प्रार्थनाको बारेमा भएको सङ्का मेटाउन यसको बारेमा पढेर र सिकेर मात्र हुंदैन तर आफैले प्रार्थनाको जीवन सुरु गर्नुपर्छ। परमेश्वरको काम कार्यको अपेक्षा र प्रतिक्षा गर्नु पर्दछ। हामीले परमेश्वरलाई जाँच्न गरेको प्रार्थनाले मात्र होइन तर साँचो रुपमा परमेश्वरको खोजी र चाहना गरेको प्रार्थनामा परमेश्वरले आफुलाई प्रकट गर्नुहुन्छ। त्यस्तै परमेश्वरको भलाईको बारेमा बाइबल आदीको सङ्कालाई पनि सुनेर र पढेर मात्र भन्दा पनि सो अनुसार जीवनमा लागु गर्दै आत्मिकी जीवनलाई अघि बढाउंदे परमेश्वरलाई व्यक्तिगतरूपमा अनुभव गर्दै मेटाउन सकिन्छ। सङ्कालाई अन्त्य गर्न विश्वासको कदम उठाउनु सबै भन्दा महत्वपूर्ण हुन्छ।
बाइबलमा विश्वासका महान हस्तिहरूद्वारा पनि कहिले कहिं सङ्काहरू प्रकट भएका थिए । जस्तै अब्राहम, मोशाले पनि सङ्काको प्रदर्शन गरे तर उनिहरूको संकाले उनिहरुलाई परमेश्वरबाट टाढा लैजान भन्दा पनि परमेश्वरलाई नयाँ रुपले अनुभव गर्ने मौका पाए । परमेश्वरले उनिहरुलाई त्याग्नु भएन तर अझ असल रुपमा प्रयोग गर्नुभयो।
हामीले पनि आफ्नो मनमा आएको सङ्का अझ परमेश्वरको नजिक गएर उहाँको महानतालाई अनुभव गर्दै जान सक्छौं । यसरी नै आफैलाई आफ्नो आत्मिक जीवनमा शसक्त बनाउँदै अघि बढ्न सक्छौं। हामी सवैले आफ्नो सङ्काको संघर्षमा २पत्रुस 1: 5-9 मा भने जस्तै विश्वासमा सद्गुण, ज्ञान, आत्मसंयम, धैर्य, भक्ति, भातृ-स्नेह, प्रेम जस्ता विभिन्न गुणहरू थप्दै आफुलाई प्रभुमा निस्प्रभावकारी हुनदेखी बचाऔं।
September 26, 2023
खाल्डो मा खसेको गधा (A Donkey Fallen into a Pit)
एक जना भरियाको एक दमै उपयोगी प्यारो गधा एक दिन एउटा गहिरो खाडलमा खसेछ ।
त्यस खाडलबाट आफ्नो गधालाई निकाल्न उसले धेरै प्रयास गरेछ तर सकेनछ । हार खाएर उसले सोच्यो, अब म यो गधा यहाँ भोकै दुख पाएर मरेको देख्न सक्दिन, बरू यसले यो खाडलमा दुःखमा छट्पटिनु भन्दा म यसलाई यहिँ पुरी दिन्छु ।
उसले थोरै थोरै माटो त्यस गधा माथि खसाल्न लाग्यो ।
जब जब माटो त्यस गधाको काँधमा खस्थ्यो त्यस गधाले आफ्नो सरिर हल्लाएर त्यसलाई टकटकाउँथ्यो, र त्यो माटो त्यसको खुट्टामुनि पुग्थ्यो । र गधा त्यहि माटो माथि उभिन्थ्यो ।
त्यस व्यक्तिले माटो हाल्दै गर्थ्यो, अनि गधाले त्यसलाई टकटकाएर आफ्नो खुट्टामुनि पार्दथ्यो । त्यसरी क्रम केहि घण्टा चलरह्यो । माटोको थुप्रो यति धेरै भयोकि गधा आफै त्यसखाडलबाट निस्क्यो र चौरमा चर्न लाग्यो ।
हाम्रो जीवनमा आइपरेका दुखहरूलाई हामीले हामी काँधमा राख्छौं कि त्यसलाई टकटकाएर आफो खुट्टाले कुल्चन्छौं समस्याले हामिलाई पुर्न नदिऔ, तर तयसलाई हाम्रो खुट्टा मुनि राखौं ताकि हामीले हाम्रो समस्यलाई नै खुड्किलो बनाएर माथि उठ्न सकेका हौं ।
भजन संग्रह 55:22
तिम्रा चिन्ता र फिक्री परमप्रभुमा राख र उहाँले तिमीलाई सम्हाल्नुहुनेछ। उहाँले धर्मीलाई कहिल्यै डग्न दिनुहुनेछैन।
September 25, 2023
मुक्ति- ईसाई आधारभूत सिद्धान्त भाग 8 || Essential Christian Doctrines -Salvation
प्रेरित 16:31
'अनि तिनिहरूले भने, “प्रभु येशू ख्रीष्ट विश्वास गर्नुहोस्, र तपाइले उद्धार पाउनुहुनेछ— तपाई
र तपाइका परिवारले।”'
विभिन्न मानिसको निम्ति मुक्ति भन्ने शब्दले फरक-फरक
अर्थ राख्न सक्छ। कसैलाई दुःख समस्या बाट समस्या कसैलाई जीवनको सत्यताको प्राप्ति
मुक्ति हुन सक्छ। कसैले आफू चर्चमा गइरहेको अवस्थालाई नै मुक्ति ठान्न सक्छन् तर
बाइबलले मानिस आफ्नो पापको दासत्वबाट मुक्ति पाइ परमेश्वरसँगको सम्बन्ध
पुर्नस्थापित हुने कुरालाई मुक्ति भन्दछ।
बाइबलमा धेरै पक्षहरूमा मुक्तिको विषयलाई समेटेको
देखिन्छ। जस्तो मुक्तिको सुरुवात जुन हामीले मृत्युबाट बौरी उठ्नुभएको येशूमाथि
विश्वास गरेको पलमा प्राप्त गर्छौं। दोस्रो पक्ष हामीले गर्ने मुक्तिको अनुभव हो
जुन हामीले येशूलाई विश्वास गरे पछि विश्वासी जीवन जिउने क्रममा शुद्धीकरणको प्रक्रियासँग
गाँसिएको हुन्छ। अन्त्यमा हाम्रो मुक्तिको पूर्णता जब हामीले प्रभुलाई दोस्रो पटक
उहाँको महिमामा भेट्छौ तब हामीलाई प्राप्त हुन्छ।
ईसाई विश्वास अन्तर्गत मुक्ति मानिसले असल काम
गरेर वा मेहनत गरेर कमाउने होइन तर परमेश्वरले उसलाई उपलब्ध गराउनु भएको उपहार
(वरदान) हो। यस वरदानलाई हामीले विश्वासद्वारा प्राप्त गर्छौं (एफिसी 2:8-9)। मुक्तिको
निम्ति परमेश्वरले बोलावट दिनुहुन्छ तर उक्त बोलावटलाई उपयुक्त विश्वासद्वारा
परमेश्वरलाई स्विकार गर्नेहरूमात्र परमेश्वरद्वारा मुक्तिको निम्ति चुनिएकाहरू
मध्ये पर्छन्। यसरी मानिसको तर्फबाट गरिने विश्वासमा आफ्नो पापको पश्चाताप तथा
येशूलाई ग्रहण गर्नु दुवै समेटिएको हुन्छ। यो कार्य पनि मानिसको आफ्नै बुद्धि र
क्षमताले हुने नभइ पवित्र आत्माको अगुवामा सम्पन्न हुन्छ, अर्थात् यो पनि परमेश्वरको
काम हो(यूहन्ना 16:7-11, रोमी 10:20)।
बाइबलमा सिकाइएको मुक्तिलाई हामीले नयाँ जन्मको रूपमा
पनि जान्न सक्छौं (यूहन्ना 3:3)। मुक्ति पाउनु भनेको जीवनको अन्तिम गन्तव्य सम्म पुगेको
भनेर मात्र बुझ्नु हुँदैन। एक प्रकारले यो नयाँ सुरुवात अर्थात् नयाँ जन्म हो ।
हामीले मुक्तिको जीवनको मार्ग छानेको हो । येशू ख्रीष्टमा हामी एक प्रकारले
परमेश्वरको सन्तान भएका छौं (यूहन्ना 1:12)। हामी परमेश्वरको सन्तान भएको कारण उहाँ कै
सन्तान जसरी धार्मिकता, सत्यता, प्रेम तथा अनुग्रहको मार्गमा हिँड्नु हाम्रो कर्तव्य
हुन आउँछ। पवित्र आत्माले हामीलाई सधैँ सुद्ध
पार्ने गर्नुहुन्छ र हामीले पनि यो शुद्धीकरणमा सक्रिय रूपमा सहभागी भएको हुनुपर्छ
(1 थेसलोनिकी 5:23)। हाम्रो जीवनको उद्देश्य नै ख्रीष्ट जस्तै पापरहित बन्नु हो र
यो कार्य एक पटकमा सम्पन्न नभइ हाम्रो जीवन भरिनै पवित्र आत्माको सक्रियतामा
हाम्रो आज्ञाकारीतामा अघि बढिरहेको हुन्छ(रोमी 8:29)।
हामीले येशूमा प्राप्त गरेको मुक्तिको पूर्णताको
लागि आसा र विश्वासका साथ प्रतिक्षा गर्छौं। हामी प्रभुको भएको कारण हामी प्रभुको
विश्वासमा रह्यौ भनें हामीलाई कसैले पनि परमेश्वरबाट अलग गर्न सक्दैन (1पत्रुस
1:5)। येशूमाथि राखेको विश्वासमा हामी सबैलाई परमेश्वरले अन्त्यको महिमाको लागि
छाप लगाएर राख्नुभएको छ (एफिसी 1:13)। यस मुक्ति पाए पछिको यस संसारको हाम्रो जीवन
नै परमेश्वरले हामीलाई दिनुहुने अन्तिम मुक्तिको निम्ति अडिग रहनु हो। जब हाम्रो भेट
येशूसँग हुन्छ हामी सबै येशूको जस्तै महिमामा परिवर्तन हुन्छौं (१यूहन्ना 3:1-3)।
यो नै हाम्रो मुक्तिको पूर्णता हो।
बाइबल धर्मशास्त्रले मुक्तिको बारेमा दिएको
शिक्षा
मुक्तिको श्रोत परमेश्वर मात्र हुनुहुन्छ। यो
हामीलाई उहाँको अनुग्रहको कारणले उपलब्ध भएको हो जसलाई हामीले आफ्नो विश्वासद्वारा
आफ्नो बनाउन सक्छौं।
'किनभने अनुग्रहबाट विश्वासद्वारा
तिमीहरूले उद्धार पाएका छौ— र यो तिमीहरू आफैबाट होइन, यो त परमेश्वरको वरदान हो— कर्महरूद्वारा
होइन, नत्रता मानिसले घमण्ड गर्नेछ।' एफिसी 2:8-9
पवित्र आत्माले हामीलाई आफ्नो पापको पश्चाताप गर्न
र परमेश्वरलाई विश्वास गर्न अगुवाइ र सहायता गर्नुहुन्छ।
'अथवा परमेश्वरको कृपाले तिमीलाई
पश्चात्तापमा डोर्याउँछ भन्ने थाहा नपाएर, के तिमी उहाँको दया, सहनशीलता र धैर्यको प्रशस्ततालाई
तुच्छ ठान्छौ? 'रोमी 2:4
'तब यशैयाले साहसपूर्वक भन्छन्, “मलाई नखोज्नेहरूले मलाई भेट्टाएका
छन्, जसले मेरो खोजी गरेनन् तिनीहरूका
माझमा मैले आफैलाई प्रकट गरेको छु।” ' रोमी 10:20
हाम्रोले विश्वासद्वारा पाप क्षमा प्राप्त गर्छौं अर्थात्
मुक्ति प्राप्त गर्छौं अर्को शब्दमा ख्रीष्टमा नयाँ जन्म भएको हुन्छ।
'येशूले जबाफ दिनुभयो, “साँच्चै म तिमीलाई भन्दछु, कोही पानी र आत्माद्वारा जन्मेन
भने परमेश्वरको राज्यमा पस्न सक्दैन। शरीरबाट जन्मेको शरीर हो, र पवित्र आत्माबाट जन्मेको आत्मा
हो। ' यूहन्ना 3:5-6
'यसकारण कोही ख्रीष्टमा छ भने त्यो
नयाँ सृष्टि हो। पुरानो बितिगएको छ, हेर, नयाँ आएको छ। '२ कोरिन्थी 5:17
हामीले मुक्ति प्राप्त गरेको रूपमा हाम्रो
ख्रीष्टमा मिलाप भएको छ। अर्थात् येशूको मृत्यु र पुनरुत्थान अब हाम्रो भएको छ। र
अब येशूले गर्नुहुने कार्यमा पनि हाम्रो सहभागिता रहने छ।
'यसकारण यदि तिमीहरू ख्रीष्टसँग
जिइउठाइएका छौ भने माथिका कुराहरूको खोजी गर, जहाँ ख्रीष्ट हुनुहुन्छ, र परमेश्वरको दाहिने बाहुलीपट्टि
बस्नुभएको छ। माथिका कुरामा मन लगाओ। पृथ्वीमा भएका कुरामा होइन। किनभने तिमीहरू
मरेका छौ, र तिमीहरूको जीवन परमेश्वरमा ख्रीष्टसँग
लुकाइएको छ। ख्रीष्ट, जो हाम्रो जीवन हुनुहुन्छ, उहाँ प्रकट हुनुहुँदा तिमीहरू पनि
उहाँसँगै महिमामा प्रकट हुनेछौ। ' कलस्सी 3:1-4
हाम्रो मुक्तिमा हामी परमेश्वरको अनुग्रह द्वारा
धर्मी बनाइएका छौं।
'परमेश्वरका अनुग्रहको वरदानले ख्रीष्ट
येशूमा भएको उद्धारबाट तिनीहरू सित्तैँमा धर्मी ठहरिएका छन्। ' रोमी 3:24
अब हामी मुक्ति पाएकाहरू परमेश्वरको सन्तान हौ।
'तर जतिले उहाँलाई ग्रहण गरे र उहाँको
नाउँमाथि विश्वास गरे, उहाँले तिनिहरूलाई परमेश्वरका सन्तान
हुने अधिकार दिनुभयो। ' यूहन्ना 1:12
येशूमा साँचो विश्वास राखेर सुरु भएको हाम्रो मुक्तिले
पूर्णता पाउने समय सम्म परमेश्वरले हाम्रो रक्षा गर्नुहुन्छ (हामीलाई नष्ट हुन दिनुहुने छैन)।
'परमेश्वर र हाम्रा प्रभु येशू
ख्रीष्टका पिता धन्यका हुनुहुन्छ! उहाँको महान् कृपाले मृतकबाट येशू ख्रीष्टको
पुनरुत्थानद्वारा एउटा जीवित आशाको निम्ति हामी नयाँ गरी जन्मेका छौं। स्वर्गमा
तिमीहरूका निम्ति साँचिराखेको उत्तराधिकार अविनाशी, विशुद्ध र नओइलने किसिमका छन्।
' १ पत्रुस 1:3-4
' “मेरा भेड़ाहरूले मेरो सोर सुन्छन्, र तिनीहरूलाई म चिन्छु, र तिनीहरू मेरो पछि आउँछन्। तिनीहरूलाई
म अनन्त जीवन दिन्छु, र तिनीहरू कहिल्यै नष्ट हुनेछैनन्, र कसैले तिनीहरूलाई मेरो हातबाट
खोसी लैजानेछैन। ' यूहन्ना 10:27-28
येशूको दोस्रो आगमनमा नै हाम्रो यस मुक्तिले पूर्णता
पाउँछ र हामी येशू जस्तै बन्ने छौं।
'प्रिय हो, अहिले हामी परमेश्वरका सन्तान
हौं, र हामी के होऔंला, सो अहिलेसम्म प्रकट भएको छैन।
यति जान्दछौं, कि जब उहाँ प्रकट हुनुहुन्छ, तब हामी उहाँजस्तै हुनेछौं। किनकि
उहाँ जस्तो हुनुहुन्छ हामी उहाँलाई त्यस्तै देख्नेछौं।' १ यूहन्ना 3:2
Subscribe to:
Posts (Atom)
