Top Ad 728x90

Showing posts with label पा. पवित्र. Show all posts
Showing posts with label पा. पवित्र. Show all posts

परमेश्वरको महिमाको खातिर मानिसका ७ कदमहरू! | Our Seven Steps for God’s Glory

by

परमेश्वरको महिमाको खातिर मानिसका ७ कदमहरू! |
Our Seven Steps for God’s Glory



वर्तमान समयमा मानिसले आफैले आफूलाई उचाल्ने प्रयास गरेको हामी देख्छौं। बिहान उठे देखी बेलुकी सम्म हामीले हामीलाई विभिन्न इन्टरनेटका माध्यमहरूमा आफ्नो प्रचार गर्न व्यस्त हुन्छौं। फेसबुक, इन्स्टाग्राम जस्ता विभिन्न सामाजिक सञ्जालद्वारा आफूलाई मानिसको सामु राख्ने प्रयास गर्छौं। कतिपय समयमा त परमेश्वरसँग गरिएको सङ्गति, सेवाकाई पनि जब सम्म त्यसको प्रचार गरिँदैन र मानिसलाई थाहा दिइन्न यो सफल भएको नै मानिन्न। एक प्रकारले परमेश्वरको सेवाकाई गरिरहेको छु भनेर हामी आफ्नै प्रचारमा लागेका हुन्छौं। 
वास्तवमा परमेश्वरले हामीलाई हाम्रो आफ्नै भन्दा पनि परमेश्वरको महिमाको खातिर बोलाउनुभएको हो। बाइबल धर्मशास्त्रले सबै भन्दा माथि परमेश्वर राखिनु पर्छ भन्ने सिकाउँछ, किनभने सबै थोक उहाँद्वारा बनिए र उहाँमा नै अडिएर रहेका छन्। उहाँको शक्ति र इच्छा बिना केही पनि अस्तित्वमा रहँदैन। त्यसले हामीले परमेश्वरको महिमाको सट्टा आफ्नो महिमाको चाहना र खोजी गर्नु हाम्रो जीवनमा भएको वास्तविक परमेश्वरको इच्छालाई नबुझ्नू हो। 
तल उल्लेख ७ कदमहरूद्वारा हामीले परमेश्वरको गर्न सक्छौं। 

1. परमेश्वरको आराधना 

संसार र संसारमा भएका थोकहरूमा होइन तर वास्तविकतामा परमेश्वरको खोजी तथा आराधना गरिनु पर्दछ। त्यसैले भौतिकता भन्दा फरक आत्मा र सत्यतामा हुनुहुने परमेश्वरको महिमा र सेवा पनि भौतिक विधि तथा माध्ययमा होइन तर आत्मा र सत्यतामा गरिनु पर्दछ। भौतिकरूपमा मात्र परमेश्वरको खोजी र महिमा गर्नु मूर्तिपूजा जस्तै हो। 
यूहन्‍ना 4:23-24
'तर बेला आइरहेछ, र त्‍यो बेला अहिल्‍यै हो, जब सच्‍चा आराधकहरूले पितालाई आत्‍मा र सत्‍यतामा आराधना गर्नेछन्‌। किनकि आराधना गर्ने यस्‍तै आराधकहरूलाई नै पिताले खोज्‍नुहुन्‍छ। परमेश्‍वर आत्‍मा हुनुहुन्‍छ, र उहाँका आराधकहरूले आत्‍मा र सत्‍यतामा आराधना गर्नुपर्छ।” '

2. परमेश्वरमा विश्वास राख्नु

परमेश्वरलाई नचिनि उहाँमा भरोसा नगरी परमेश्वरको मार्गमा हिँड्न असम्भव छ। परमेश्वरले पनि तिनै व्यक्तिहरूसँग रमाउनुहुन्छ जसले आफ्नो जीवनका हरेक कुराको लागि उहाँमा भरोसा गरेका छन्। हामीले परमेश्वरलाई मान्नु र आस्था राख्नु मात्र विश्वास नभइ जीवन हरेक परिस्थितिमा परमेश्वरमा आसा र भरोसा राखेर उहाँको मार्गमा हिँड्नु असल र वलियो विश्वास हो। 
हिब्रू 11:6
'विश्‍वासविना परमेश्‍वरलाई प्रसन्‍न पार्नु असम्‍भव छ। किनकि जो परमेश्‍वरको नजिक आउँछ, त्‍यसले परमेश्‍वर हुनुहुन्‍छ र उहाँलाई खोज्‍नेहरूलाई उहाँले प्रतिफल दिनुहुन्‍छ भन्‍ने पक्‍का विश्‍वास गर्नुपर्छ। '

3. येशूको अनुसरण गर्नु 

मानिस आफैले परमेश्वरले चाहनु भएको जीवनशैलि पहिचान गरेर सो मार्गमा हिँड्न असम्भव नै छ। तर हामीले परमेश्वरको मार्ग पहिचान गर्न सकौं भनेर ख्रीष्ट येशूले संसारमा मानवीय जीवनको उदाहरण प्रदान गर्नु भएको छ। हामीले येशूले मार्गमा हिँड्यौं भने हामी द्वारा परमेश्वरको महिमा हुन्छ। 
१ पत्रुस 2:21
'किनकि यसैको निम्‍ति तिमीहरू बोलाइएका हौ। ख्रीष्‍टले पनि तिमीहरूका निम्‍ति कष्‍ट भोग्‍नुभयो, अनि तिमीहरूका लागि एउटा उदाहरण छोडिजानुभयो, र तिमीहरू उहाँकै पाइलामा हिँड्‌नुपर्छ। '

4. प्रेम प्रदर्शन गर्नु

हामीले परमेश्वरलाई प्रेम गरिँरहँदा परमेश्वरले हामीहरू द्वारा अरू मानिसलाई पनि प्रेम भएको चाहानुहुन्छ। येशूले देखाउनुभएको उदाहरण मध्ये एक उहाँले संसारलाई गर्नु भएको प्रेम पनि हो। जब हामीले परमेश्वरमा विश्वास गरि अरूलाई उहाँमा प्रेम गर्दै जान्छौं परमेश्वर हामीबाट महिमित हुनुहुन्छ। हामीले एक अर्कालाई गरेको प्रेम द्वारा मानिसको सामु परमेश्वरको गवाही दिएका हुन्छौं। उहाँको प्रेमको वखान हुन्छ र उहाँको महिमा हुन्छ। 
यूहन्‍ना 13:34-35
' “एउटा नयाँ आज्ञा म तिमीहरूलाई दिँदछु: तिमीहरू एक-अर्कालाई प्रेम गर। तिमीहरूसँग मैले जस्‍तो प्रेम गरेको छु, तिमीहरूले पनि एक-अर्कालाई त्‍यस्‍तै प्रेम गर। यदि तिमीहरूले एक-अर्कालाई प्रेम गर्‍यौ भने, यसैबाट सबैले जान्‍नेछन्, कि तिमीहरू मेरा चेलाहरू हौ।” '

5. गवाही दिनु 

हामी आफूले व्यक्तिगत रूपमा परमेश्वरलाई चिन्ने मात्र उहाँको यो जना होइन। परमेश्वरले हामीले जस्तै अरूले पनि उहाँमा विश्वास गरेर अनन्त जीवन पाएको चाहनु हुन्छ। त्यसको लागि हामीले उहाँले हाम्रो जीवनमा ल्याउनुभएको आशीषको बारेमा मानिसहरूलाई जानकारी दिनु अति जरुरी हुन्छ। हामीले परमेश्वरको बारेमा अरू लाई भन्न नसक्नू उहाँको महिमा गर्न नसक्नू जस्तै हो। जति हामीले अरू मानिसको सामु परमेश्वरको गवाही दिन्छौं त्यति नै परमेश्वर हामीमा प्रशन्न हुनुहुन्छ।
२ कोरिन्थी 4:15
'किनभने यी सब तिमीहरूकै खातिर भएका हुन्, ताकि जसरी अनुग्रह धेरैभन्‍दा धेरै मानिसहरूमा फैलिँदैजान्‍छ, त्‍यसरी नै परमेश्‍वरका महिमाको निम्‍ति धन्‍यवाद दिने काम पनि बढ्‌दैजाओस्‌। '

6. शुद्धताको मार्गमा हिँड्नु 

हामीले परमेश्वरमा विश्वास गर्नु भनेको अब हामी परमेश्वरको हुनु जस्तै हो। येशूको रगतद्वारा हामीलाई पापको दासत्वबाट परमेश्वरले मुल्य चुकाएर आफ्नो बनाउनु भएको छ। त्यसैले यस जीवनमा हामीले हाम्रो पहिलेको जस्तै पापकोमार्गमा हिँडि रहन मिल्दैन। यसबाट उहाँले चुकाउनुभएको मूल्यको अनादर हुन्छ। हामीले परमेश्वरको धार्मिकता तथा सत्यता सुहाँउदो शुद्धताको मार्गमा आफूलाई हिँडाउन आवश्यक देखिन्छ। यसरी हाम्रो जीवनबाट परमेश्वरको महिमा गरेका हुन्छौं। 
१ कोरिन्थी 6:19-20
'तिमीहरूको शरीर पवित्र आत्‍माको मन्‍दिर हो, जुन पवित्र आत्‍मा तिमीहरूले परमेश्‍वरबाट पाएका छौ, र उहाँ तिमीहरूभित्र वास गर्नुहुन्‍छ भन्‍ने के तिमीहरूलाई थाहा छैन? तिमीहरू स्‍वयम्‌ आफ्‍नै होइनौ। तिमीहरू मोल तिरेर किनिएका हौ। यसकारण तिमीहरूका शरीरमा परमेश्‍वरको महिमा गर।'


7. परमेश्वरमा आशा र प्रतिक्षा गर्नु

हामीले परमेश्वरमा राखेको विश्वास वर्तमान समयको लागि तथा यसै जीवनमा सीमित रहन होइन तर हामीले परमेश्वरको राज्यको प्रतिक्षा गरिरहेका हुन्छौं। हामीले परमेश्वरबाट चाहेको पाउनु पर्ने कुरा यसै संसारमा सीमित छ भने हामीले परमेश्वरको महिमालाई धेरै नै सानो बनाएका छौं। वास्तवमा हामीले आज यस संसारमा पाउन सक्ने तथा पाएका कुराहरू जे हामीले परमेश्वरको राज्यमा प्राप्त गर्दछौं, त्यसको दाँजोमा केही पनि होइन। हामीले संसारको थोकको नभइ स्वर्गको प्रतिक्षा गरेर परमेश्वरमा महिमा चढाउन सकेका हौं।
रोमी 8:24-25
'किनकि यही आशामा हामीले मुक्ति पाएका थियौं। अब देखिनेचाहिँ आशा त आशा नै होइन। किनकि देखेका कुराको आशा कसले गर्छ र? तर यदि हामी आफूले नदेखेका कुराको आशा गर्छौं भने, धैर्यसाथ हामी त्‍यसको प्रतीक्षा गर्छौं। '


परमेश्वरलाई हेरेर आफैलाई चिनौं | Pabitra Mani Bhandari|

by

परमेश्वरलाई हेरेर आफैलाई चिनौं


मानिसले आफ्नो सृष्टिकर्ता परमेश्वरलाई चिन्ने क्रममा आफैलाई राम्रो सँग चिन्न सक्छ। संसारका विभिन्न कुराहरूले हाम्रो पहिचान निर्माण गर्ने गर्छन् तर परमेश्वर नै हुनुहुन्छ जसबाट हामीले हाम्रो सहि पहिचान प्राप्त गर्न सक्छौं, किनभने उहाँले नै हामीलाई आफ्नो स्वरूपमा बनाउनुभयो।

'यसैकारण परमेश्वरले मानिसलाई आफ्नै स्वरूपमा सृष्टि गर्नुभयो। परमेश्वरकै प्रतिरूपमा उहाँले तिनलाई सृष्टि गर्नुभयो। नर र नारी नै गरी उहाँले तिनिहरूलाई सृष्टि गर्नुभयो।' उत्पत्ति 1:27

हामी उहाँको स्वरूपमा बनाइएको कारण हाम्रो आत्मिक, मानसिक, बौद्धिक क्षमताहरूले उहाँको स्वरूपको प्रतिविम्ब गरेका हुन्छन्। त्यसैकारण हामीले आफूलाई सहि रूपमा पहिचान गर्न परमेश्वरलाई जानेको हुनुपर्छ। परमेश्वरलाई मानिसले उहाँ आफैले प्रकट गर्नुभएको माध्यम बाहेक जान्न सक्दैन। परमेश्वर आफै मानिसले भेट्न, जान्न सकिने हुनुहुन्न तर उहाँले हामी द्वारा भेटिएको र जानिएको र सम्बन्ध राखिएको चाहनुहुन्छ र आफैलाई हाम्रो सामु प्रकट गर्नुहुन्छ। परमेश्वर आफैले निम्न विधि द्वारा प्रकट गर्नुहुन्छ।

1.      परमेश्वरले आफूलाई आफ्नो सृष्टि द्वारा प्रकट गर्नु हुन्छ।

संसारले अलौकिक तथा बृहतता तथा सुन्दरताले साँच्चै नै यस संसार बनाउने परमेश्वर महान् हुनुहुन्छ भन्ने दर्साउँछ । किनभने सृष्टिका सम्पूर्ण कुराहरू उद्देश्य राखेर असल तरिकाले बनाइएका छन्। जस्तो बाइबलले लेख्दछ।

'उहाँको अदृश्य गुण, अर्थात्‌ उहाँको अनन्त शक्ति र ईश्वरीय स्वभाव संसारको सृष्टिदेखि नै बनाइएका थोकहरूमा छर्लङ्गै देखिएको छ। यसैले यिनीहरूलाई कुनै किसिमको बहाना छैन।' रोमी 1:20

'आकाशले परमेश्वरका महिमाको वर्णन गर्छ। र तारा-मण्‍डलले उहाँका हातको सीपको घोषणा गर्छ। हरेक दिन तिनीहरूले वार्तालाप गर्छन्‌, र हरेक रात तिनिहरूले ज्ञानको प्रदर्शन गर्छन्‌। कुनै बोली छैन, न भाषा छ, जहाँ तिनिहरूको सोर सुनिँदैन। तिनिहरूको सोरले सारा पृथ्‍वी गुञ्‍जायमान छ, तिनिहरूका शब्‍द पृथ्‍वीको सीमान्‍तसम्‍मै पुगेका छन्‌। उहाँले आकाशमा सूर्यको निम्ति एउटा वासस्थान बनाउनुभएको छ।' भजनसंग्रह 19:1-4

2.      परमेश्वरले आफैलाई मानिसको विवेक भित्र प्रकट गर्नु हुन्छ।

परमेश्वरले यस भौतिक संसारलाई मात्र अचम्म तरिकाले बनाउनुभएको होइन तर हामी मानिसलाई पनि अचम्मको बनाउनुभएको छ। हाम्रो शरीर अचम्मले बनेको छ यसको साथै हाम्रो सोचाइमा पनि परमेश्वरले विवेक राखि दिनुभएको छ जसको कारण मानिसले नैतिक र अनैतिक कुराहरूको पहिचान गर्दछ। हामीलाई असल र खराबको ज्ञान परमेश्वरले नै दिनुहुन्छ।

'किनकी व्यवस्था नहुने अन्‍यजातिहरू स्‍वाभावैले व्यवस्थाअनुसारका काम गर्दछन्‌ भने, तिनिहरूको व्यवस्था नभए तापनि तिनिहरू आफ्ना निम्ति आफै व्यवस्था हुन्‍छन्‌। व्‍यवस्‍थाले चाहेका कुराहरू आफ्ना हृदयमा लेखिएका तिनिहरू देखाउँछन्, र तिनिहरूको आफ्नै विवेकले पनि गवाही दिन्छ, र तिनिहरूका विचारहरूले कहिले तिनिहरूलाई दोष्‍याउँछन्, र कहिले समर्थन गर्छन्‌।' रोमी 2:14-15

3.      परमेश्वरले आफैलाई येशू ख्रीष्टको व्यक्तित्वद्वारा देखाउनुभएको छ।

येशू ख्रीष्ट यस संसारमा परमेश्वरको वास्तविक स्वरूप, योजना तथा गुणहरू मानिसको सामु प्रकट गर्न आउनुभयो । येशूमा हामीले परमेश्वरको कस्तो हुनुहुन्छ भन्ने जानकारी मात्र प्राप्त गर्दैनौं तर उहाँ द्वारा परमेश्वरसँग वास्तविक सम्बन्ध स्थापना गरेर जीवनमा परमेश्वरको स्वरूपमा परिवर्तन गर्न सक्छौं। येशूले परमेश्वरको महानता, शक्तिको साथै उहाँको मानिस प्रतिको प्रेम, धार्मिकता तथा न्यायलाई पनि देखाउनुभएको छ। जसलाई बुझेर मानिसले आफूलाई जाँच्न सक्छ।

'उहाँ नै परमेश्वरका महिमाको प्रतिबिम्ब र परमेश्वरकै स्वभावको वास्तविक प्रतिरूप हुनुहुन्छ, र सम्पूर्ण विश्वलाई आफ्नो शक्तिको वचनले सम्हाल्नुहुन्छ। पापको शुद्धि गर्नुभएपछि महिमित परमेश्वरको दाहिने बाहुलीपट्टि उच्च स्थानमा उहाँ विराजमान हुनुभयो।' हिब्रू 1:3

'किनभने हामीलाई परमेश्‍वरकहाँ ल्‍याउन ख्रीष्‍ट पनि पापहरूका निम्‍ति सदाको लागि एक चोटि मर्नुभयो। उहाँ शरीरमा मारिनुभयो— धर्मी जन अधर्मीहरूका निम्‍ति— तर आत्‍माद्वारा जीवित पारिनुभयो।' १ पत्रुस 3:18

4.      परमेश्वरले आफैलाई धर्मशास्त्रमा प्रकट गर्नुभएको छ।

लिखित वचनको रूपमा परमेश्वरले आफ्ना मानिसहरूद्वारा लेख्न प्रेरित गरेर हाम्रो लागि धर्मशास्त्र उपलब्ध गराउनुभएको छ। परमेश्वरको वचनबाट मानिसले आफूलाई सबै भन्दा असल तरिकाले जान्न सकिने श्रोत उहाँले दिनुभएको धर्मशास्त्र भएको छ। परमेश्वरको योजनामा मानिसको जीवन कति ठीक छ र कति बेठीक छ अनि कसरी सहि मार्गमा हिँडाउन सकिन्छ सबै जानकारी बाइबल धर्मशास्त्रमा दिइएको छ।

'सम्‍पूर्ण पवित्र-शास्‍त्र परमेश्वरको प्रेरणाबाट भएको हो, र यो सिकाउनलाई, अर्ती दिनलाई, सच्‍याउनलाई, धार्मिकतामा तालीम दिनलाई लाभदायक हुन्‍छ, ताकि परमेश्वरको जन हरेक सुकर्ममा पूर्ण रूपले सुसज्जित भई सिद्ध भएको होस्‌।' २ तिमोथी 3:16-17

परमेश्वरले हामीलाई विभिन्न तरिकाले आफ्नो उपस्थिति, गुण, योजना आदिको जानकारी दिइ राख्नुभएको देखिन्छ। वास्तवमा येशूको व्यक्तित्वबाट हामीलाई आफ्नो सम्बन्धमा राख्ने बाटो पनि तयार गर्नुभएको छ। यसरी नै परमेश्वरलाई चिन्दै उक्त ज्ञानद्वारा आफ्नो जीवनलाई सहि मार्गमा हिँडाउन सकेका हौं। 

सतावट र हाम्रो विश्वास - Nepali Christian Sermon- by Pastor, Pabitra M. ...

by

सतावट र हाम्रो विश्वास - Nepali Christian Sermon- by Pastor, Pabitra M. ...




1 पत्रुस 4:12-19

12प्रिय हो, तिमीहरूलाई पारख गर्ने अग्‍निमय परीक्षा तिमीहरूमाथि आइपर्दा केही अनौठो कुरा भएजस्‍तै तिमीहरू छक्‍क नपर। 13तर ख्रीष्‍टका कष्‍ट-भोगमा सहभागी हुँदा रमाओ, ताकि उहाँको महिमा प्रकट हुँदा तिमीहरू पनि आनन्‍दित र हर्षित हुन सक। 14यदि ख्रीष्‍टको नाउँमा तिमीहरू निन्‍दित भयौ भने तिमीहरू धन्‍यका हौ। किनभने महिमाका र परमेश्‍वरका आत्‍मा तिमीहरूमाथि रहनुहुन्‍छ।  15तर तिमीहरूमध्‍ये कसैले पनि हत्‍यारा, वा चोर, वा खराबी गर्ने, वा अर्काको कुरामा हात हाल्‍नेले झैँ दुःख नभोग। 16तर कसैले ख्रीष्‍टियान भएको कारण दुःख भोग्‍दछ भनेता उसले लाज नमानोस, तर त्‍यही नाउँमा उसले परमेश्‍वरलाई महिमा देओस्‌। 17किनभने न्‍याय परमेश्‍वरकै परिवारबाट सुरु हुने समय आएको छ, र यदि यो हामीबाट सुरु हुन्‍छ भनेता परमेश्‍वरको सुसमाचार नमान्‍नेहरूको अन्‍त्‍य कस्‍तो होला? 18अनि,
“यदि धर्मी जनको उद्धार कठिनसँग हुन्‍छ भने
अधर्मी र पापीको गति के हुने?”
19यसकारण परमेश्‍वरको इच्‍छाबमोजिम दुःख भोग्‍नेहरूले भलाइ गरून्‌ र तिनीहरूले आफ्‍ना आत्‍मा विश्‍वासयोग्‍य सृष्‍टिकर्ता कहाँ सुम्‍पून्‌।

साँचो विश्वासी -Nepali Christian- वचन | #Nepalichristiansermon | #Nepalichurch

by

साँचो विश्वासी -Nepali Christian- वचन


तीतस 1:15-16

 15शुद्धहरूलाई सबै थोक शुद्धै हुन्‍छन्, तर अशुद्ध र अविश्‍वासीहरूलाई चाहिँ केही कुरा पनि शुद्ध हुँदैन, तर तिनीहरूका मन र विवेकसमेत भ्रष्‍ट भएका हुन्‍छन्‌। 16तिनीहरू परमेश्‍वरलाई चिनेका छौं भनी भान त पार्छन्, तर तिनीहरूले आफ्‍ना कामद्वारा उहाँलाई इन्‍कार गर्दछन्‌। तिनीहरू घृणित र अनाज्ञाकारी हुन्‍छन्, र कुनै पनि असल कामको निम्‍ति योग्‍यका हुँदैनन्‌।



येशूलाइ पाएर जीवन परिवर्तन गराै (लूका 19:1-10) A Nepali Sermon by Ps. Pabitra M. Bhandari

by

येशूलाइ पाएर जीवन परिवर्तन गराै (लूका 19:1-10) 





लूका 19:1-10

1येशू यरीहोमा प्रवेश गरेर त्‍यहाँबाट जाँदैहुनुहुन्‍थ्‍यो। 2त्‍यहाँ जखायस नाउँ भएका एक जना मानिस थिए। तिनी कर उठाउनेहरूमा प्रमुख मानिस थिए, अनि धनी थिए। 3येशू को हुनुहुँदोरहेछ भनेर तिनी हेर्न चाहन्‍थे, तर पुड़को भएका हुनाले भीड़ले गर्दा तिनले देख्‍न सकेनन्‌। 4तिनी उहाँलाई हेर्नलाई अगिअगि दौड़ेर एउटा अञ्‍जीरको रूखमा चढ़े। किनकि येशू त्‍यही बाटो भएर जान लाग्‍नुभएको थियो।
5जब येशू त्‍यस ठाउँमा आइपुग्‍नुभयो, तब उहाँले मास्‍तिर हेरेर तिनलाई भन्‍नुभयो, “ए जखायस, चाँड़ो ओर्लेर आऊ, किनभने आज मलाई तिम्रो घरमा बस्‍नुपरेको छ।” 6तिनी झट्टै ओर्लेर आए। अनि खुसीसाथ उहाँको सत्‍कार गरे।
7जब मानिसहरूले यो देखे, तिनीहरू सबै यसो भनेर गनगनाउन लागे, “उनी पापीको घरमा पाहुना लाग्‍न गए।”
8जखायसले खड़ा भएर प्रभुलाई भने, “प्रभु, हेर्नुहोस्, म आफ्‍ना सम्‍पत्तिको आधा भाग गरीबहरूलाई दिन्‍छु, र कोहीबाट अन्‍यायपूर्वक केही लिएको छु भने म त्‍यसको चार गुणा फिर्ता गरिदिनेछु।”
9तब येशूले तिनलाई भन्‍नुभयो, “आज यस घरमा मुक्ति आएको छ, किनकि यिनी पनि अब्राहामका छोरा हुन्‌। 10किनभने मानिसको पुत्र हराएकालाई खोज्‍न र बचाउन आएको हो।” 

बोलावटको योग्य बनौं | #NepaliSermon

by

1 थेसलोनिकी 5:3-9

3जब मानिसहरू “शान्‍ति र सुरक्षा” भनिरहेका हुन्‍छन्, तब गर्भवती स्‍त्रीलाई बेथा लागेझैँ अचानक तिनीहरूमाथि विनाश आइलाग्‍छ, र तिनीहरू कुनै रीतिले उम्‍कनेछैनन्‌। 4तर भाइ हो, तिमीहरू अन्‍धकारमा छैनौ, तसर्थ त्‍यस दिनले तिमीहरूलाई चोरले जस्‍तै चकित पार्नेछैन। 5किनकि तिमीहरू सबै ज्‍योतिका सन्‍तान र दिनका सन्‍तान हौ। हामी रातका र अन्‍धकारका सन्‍तान होइनौं। 6यसकारण अरूहरूझैँ हामी नसुतौं, तर जागा बसौं, र सचेत होऔं। 7किनकि सुत्‍नेहरू रातमा सुत्‍छन्, र मद्य पिएर मात्‍नेहरू रातैमा मात्‍छन्‌। 8तर हामीचाहिँ दिनका हुनाले हामी सचेत होऔं, र विश्‍वास र प्रेमका छातीको पाता र मुक्तिका आशाको टोप लगाऔं। 9किनकि परमेश्‍वरले हामीलाई क्रोधको निम्‍ति होइन, तर हाम्रा प्रभु येशू ख्रीष्‍टद्वारा मुक्ति प्राप्‍त गर्नलाई अघिबाटै नियुक्त गर्नुभएको हो।


// के मोशाको जीवन सफल जीवन थियो ? // Dr. Pabitra Mani Bhandari // #FHM's...

by



व्यवस्था 34:5-7
5तब परमप्रभुको वचनअनुसार परमप्रभुका दास मोशा मोआब देशमा मरे। 6मोआब देशमा बेथ-पोरको सामुन्‍ने एउटा बेँसीमा उहाँले तिनलाई गाड्‌नुभयो। तर आजसम्‍म कसैलाई तिनको चिहान थाहा छैन। 7मोशाको मृत्‍यु हुँदा तिनी एक सय बीस वर्षका थिए। तिनका आँखा कमजोर भएका थिएनन्, तिनको बल पनि घटेको थिएन।

सन्तुष्टि र उपलब्धि- Nepali Sermon by Pastor Pabitra Mani Bhandari

by

 

१ तिमोथी ६:६ र ७

सन्तुष्टि सहितको भक्ति नै ठुलो लाभ हो । किनकी हामीले नता यस संसारमा केही ल्यायाैं न यहाँ बाट केही लैजान नै सक्छाैं । जुआन नेपाली संगती July 10, 2016 Pastor, Pabitra Mani Bhandari

परमेश्वरको लागि भाइरल बनाैं Nepali Christian Sermon वचन

by

परमेश्वरको लागि भाइरल बनाैं Nepali Christian Sermon वचन




फिलेमोन 4-7

4मेरा प्रार्थनाहरूमा जब म तिमीलाई स्‍मरण गर्दछु तब म मेरा परमेश्‍वरलाई सधैँ धन्‍यवाद दिन्‍छु, 5किनकि प्रभु येशूमाथिको तिम्रो विश्‍वासको विषयमा र सन्‍तहरूप्रति तिम्रो प्रेमको विषयमा सुन्‍दछु। 6म प्रार्थना गर्दछु कि तिम्रो विश्‍वासको सहभागिताले ख्रीष्‍टमा भएका हाम्रा सबै असल कुराका ज्ञानको वृद्धि गर्न सकोस्‌। 7मेरा भाइ, तिम्रो प्रेमबाट मैले धेरै आनन्‍द र सान्‍त्‍वना पाएको छु, किनकि तिमीद्वारा सन्‍तहरूका हृदय फेरि ताजा भएका छन्‌।


 

Top Ad 728x90